ກະຊວງທີ່ດິນແລະຄວາມໝັ້ນຄົງອາເມລິກາປະກາດໃນວັນທີ 21 ມີນານີ້ວ່າ, ເມື່ອພິຈາລະນາເຖິງການຕ້ານລັດທິກໍ່ການຮ້າຍເພື່ອຄວາມໝັ້ນຄົງຂອງປະເທດ, ຈຶ່ງຫ້າມບໍ່ໃຫ້ຜູ້ໂດຍສານຈາກສະໜາມບິນ 10 ແຫ່ງຂອງ 8 ປະເທດ ນຳເອົາເຄື່ອງເອເລັກໂຕຣນິກທີ່ມີຂະໜາດໃຫຍ່ກວ່າໂທລະສັບມືຖື ຂຶ້ນເຮືອບິນມາອາເມລິກາໂດຍກົງ, ແຕ່ກໍສາມາດບັນຈຸເຄື່ອງເອເລັກໂຕຣນິກເຫຼົ່ານີ້ໃສ່ຫີບທີ່ຝາກນັ້ນໄດ້ໂດຍຄຳສັ່ງຫ້າມດັ່ງກ່າວຈະມີຜົນສັກສິດນຳໃຊ້ທັນທີ.
ແນວໃດກໍດີ, ກະຊວງດັ່ງກ່າວບໍ່ໄດ້ອະທິບາຍວ່າເປັນຫຍັງຈຶ່ງເລືອກສະໜາມບິນ 10 ແຫ່ງຂອງ 8 ປະເທດດັ່ງກ່າວ ທັງບໍ່ໄດ້ອະທິບາຍວ່າຄຳສັ່ງດັ່ງກ່າວຈະປະຕິບັດດົນນານພຽງສໃດ ແລະໃນຕໍ່ໜ້າ ຈະປະຕິບັດຢູ່ສະໜາມບິນແຫ່ງອື່ນໆຫຼືບໍ່.