ອົງການກອງປະຊຸມແລະວາງສະແດງປະເທດໄທໄດ້ປະກາດ 3 ຍຸດທະສາດແລະ3ນະໂຍບາຍອຸດໜູນໂດຍໃຫ້ສິດທິພິເສດແບບບໍ່ເຄີຍມີມາກ່ອນໃນວັນທີ 22 ມີນານີ້ຢູ່ນະຄອນຊຽງໄຮ ສປ ຈີນເພື່ອດຶງດູດນັກທ່ອງທ່ຽວຈີນໄປຈັດກອງປະຊຸມການຄ້າແລະທ່ອງທ່ຽວແບບລາງວັນຫຼື MICE ຢູ່ປະເທດຕົນ.
ໃນ"3ນະໂຍບາຍ"ໃໝ່ທີ່ອົງການTCEBເປີດເຜີຍດັ່ງກ່າວນັ້ນເປັນຜົນມາຈາກເຄີຍໄດ້ສົ່ງຄະນະທ່ອງທ່ຽວຂະໜາດໃຫຍ່ເພື່ອຮັບລາງວັນທີ່ປະກອບດ້ວຍພະນັກງານກວ່າ 2000 ຄົນໄປໄທ, ສະນັ້ນ, ຂະແໜງການເຕັກໂນໂລຊີຂໍ້ມູນຂ່າວສານ, ຂະແໜາງການສື່ສານ ແລະຂະແໜງການຜະລິດລົດຂອງຈີນຈິ່ງຖືເປັນຈຸດສຸມເພື່ອສົ່ງເສີມການຈຳໜ່າຍ ຂະນະທີ່ອົງການດັ່ງກ່າວນອກຈາກຍົກເວັ້ນຄ່າເຮັດວີຊາແລ້ວ,ຍັງສືບຕໍ່ວາງ 3 ນະໂຍບາຍອຸດໜູນຄື ການສະແດງຄວາມຂອບໃຈ, ການຫຼຸດລາຄາທ່ຽວສອງເມືອງ ແລະໃຫ້ສິດພິເສດໃນການພັດທະນາແບບຍືນຍົງ.
ໃນຖານະເປັນຕະຫຼາດນັກທ່ອງທ່ຽວສຳຄັນທີ່ສຸດຂອງຂະແໜງການກອງປະຊຸມແລະວາງສະແດງຂອງໄທ, ປີ 2016 ຜ່ານມາ, ນັກທ່ອງທ່ຽວຈີນ ທີ່ບໍ່ລວມທັງຮົງກົງ,ມາກາວແລະໄຕ້ຫວັນໄດ້ເດີນທາງໄປທ່ຽວໄທໃນລາຍການ MICE ເຖິງ 127.390 ເທື່ອຄົນ ເຊິ່ງສາມາດສ້າງລາຍຮັບໃຫ້ແກ່ຂະແໜງການທ່ອງທ່ຽວໄທປະມານ 293 ລ້ານໂດລາສະຫະລັດ.
 |
