ກະຊວງກະສິກຳ ແລະ ປ່າໄມ້ສປປ ລາວ ແລະ ອົງການປ່າໄມ້ແຫ່ງຊາດສປ ຈີນ ພ້ອມພັດທະນາແລະຊຸກຍູ້
ການຮ່ວມມືດ້ານປ່າໄມ້ຫວັງສ້າງຜົນປະໂຫຍດໃຫ້ແກ່ສອງປະເທດກໍຄືປະຊາຊົນສອງຊາດລວມທັງການສະກັດ
ກັ້ນບັນຫາຕ່າງໆທີ່ອາດຈະເກີດຂຶ້ນເຊິ່ງຄວາມພ້ອມການຮ່ວມມືດັ່ງກ່າວໄດ້ຮັບການລົງນາມໃນບົດບັນທຶກຄວາມ
ເຂົ້າໃຈການຮ່ວມມືລະຫວ່າງທ່ານ ທອງພັດ ວົງມະນີ ຮອງລັດຖະມົນຕີກະຊວງກະ ສິກຳແລະປ່າໄມ້ແລະ
ທ່ານ ເຜິງ ໂຢຕົ່ງ ຮອງຫົວໜ້າອົງການປ່າໄມ້ແຫ່ງຊາດຈີນຢູ່ໂຮງແຮມດອນຈັນພາ ເລດນະຄອນຫລວງວຽງ
ຈັນໂດຍການເຂົ້າຮ່ວມເປັນສັກຂີພະຍານຂອງທ່ານ ລຽນ ທິແກ້ວ ລັດຖະມົນຕີກະຊວງກະສິກຳ-ປ່າໄມ້ ສປປ
ລາວ ແລະ ເຈົ້າໜ້າທີ່ກ່ຽວຂ້ອງຂອງສອງຝ່າຍ.
ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະ ປ່າໄມ້ສປປ ລາວ ໄດ້ໃຫ້ສຳພາດ ນັກຂ່າວ
CRI ກ່ອນລົງນາມໃນບົດບັນທຶກຄວາມເຂົ້າໃຈການຮ່ວມມືດ້ານປ່າໄມ້ລະຫວ່າງລາວ-ຈີນໃນວັນທີ 22 ມີນານີ້
ວ່າ:ກະຊວງຂອງຕົນແລະອົງການປ່າໄມ້ແຫ່ງຊາດສປຈີນ ໄດ້ປຶກສາຫາລືຍົກລະດັບການ ຮ່ວມມືດ້ານເຕັກນິກ
ໂດຍເນັ້ນຈັດຕັ້ງປະຕິບັດຢູ່ພາກເໜືອລາວເຊັ່ນ:ແຂວງຫລວງນ້ຳທາ,ອຸດົມໄຊ ແລະ ແຂວງບໍ່ແກ້ວພ້ອມທັງຈະ
ຂະຫຍາຍໄປແຂວງຜົ້ງສາລີຕື່ມອີກ.ທັງນີ້ໃນບົດບັນທຶກຄວາມເຂົ້າໃຈການ ຮ່ວມ ມືດັ່ງກ່າວໄດ້ລະບຸ 8 ວຽກ
ຕົ້ນຕໍຄືຄຸ້ມຄອງປົກປັກຮັກສາປ່າໄມ້ໃຫ້ຍືນຍົງດ້ວຍການຟື້ນຟູປ່າ,ການປູກປ່າ, ຄຸ້ມຄອງແລະສະກັດກັ້ນໄຟໄໝ້
ລາມປ່າຢູ່ເຂດຕ່າງໆໃນລາວ,ຮ່ວມມືສະກັດກັ້ນການຄ້າຂາຍໄມ້ແລະ ສັດ ປ່າທີ່ຜິດກົດໝາຍຕາມຊາຍແດນ
ສອງປະເທດ,ຮ່ວມມືດ້ານປ່າໄມ້ຊາວບ້ານຢູ່ຊົນນະບົດ,ແກ້ໄຂຄວາມ ທຸກ ຍາກໂດຍການມີສ່ວນຮ່ວມຂອງປະ
ຊາຊົນ,ຮ່ວມມືຄົ້ນຄວ້າວິທະຍາສາດປ່າໄມ້,ການຈັດຕັ້ງປະຕິບັດກົດໝາຍເພື່ອສະກັດກັ້ນການລັກລອບຄ້າຂາຍ
ໄມ້,ເຄື່ອງປ່າຂອງດົງ,ສັດນ້ຳ,ສັດປ່າ ແລະ ພ້ອມກັນສ້າງກົນໄກຮ່ວມມືກວດກາການລັກລອບຄ້າຂາຍສິ່ງທີ່ຜິດ
ກົດໝາຍຕາມຊາຍແດນ.ຂະນະດຽວກັນກໍຈະພ້ອມກັນ ປະຕິບັດສົນທິສັນຍາສາກົນກ່ຽວກັບການຄ້າຂາຍພືດ
ແລະສັດປ່າທີ່ໃກ້ຈະສູນພັນ ແລະ ສົ່ງເສີມການລົງ ທຶນໃນອຸດສາຫະກຳປຸງແຕ່ງໄມ້ຢູ່ລາວເຊິ່ງວຽກນີ້ໄດ້ສະ
ເໜີໃຫ້ຈີນເປັນຜູ້ລະດົມນັກລົງທຶນຈີນມາລົງທຶນປຸງ ແຕ່ງຜະລິດຕະພັນໄມ້ສຳເລັດຮູບຢູ່ລາວເພື່ອສົ່ງອອກໄປ
ສປຈີນຕາມຄຳສັ່ງຂອງນາຍົກລັດຖະມົນຕີລາວທີ່ ຫ້າມສົ່ງອອກໄມ້ທີ່ບໍ່ໄດ້ປຸງແຕ່ງເພື່ອສ້າງລາຍຮັບໃຫ້ແກ່ປະ
ເທດລວມທັງວຽກອື່ນໆທີ່ 2 ຝ່າຍເຫັນວ່າເປັນ ປະໂຫຍດຕໍ່ການຮ່ວມມືດ້ານນີ້.ພ້ອມນີ້ກໍຈະສືບຕໍ່ຮ່ວມມືລົງ
ເລິກຈັດຕັ້ງປະຕິບັດໂຄງການໃຫ້ປາກົດຜົນ ເປັນຈິງເຊິ່ງກະຊວງຂອງຕົນພ້ອມຈະຖອດຖອນເອົາບົດຮຽນນໍາ
ຈີນຫລາຍໆດ້ານຕາມທີ່ໄດ້ສະເໜີໃນການ ປຶກສາຫາລືທັງການປູກ,ການຟື້ນຟູປ່າ ແລະ ການໃຫ້ປະຊາຊົນ
ມີສ່ວນຮ່ວມໃນການຟື້ນຟູປ່າແລະອື່ນໆ.
