ຕາມຂ່າວສານຊິນຮວາ:ຕອນບ່າຍວັນທີ 22 ມີນານີ້,ຢູ່ໃກ້ຫໍລັດຖະສະພາອັງກິດໃນນະຄອນຫຼວງລອນດອນໄດ້ເກີດເຫດການໂຈມຕີກໍ່ການຮ້າຍໂດຍຜູ້ໂຈມຕີໄດ້ຂັບລົດຍົນຄັນໜຶ່ງຕຳປະຊາຊົນເທິງຂົວເວັດສມິນສເຕີໃກ້ຫໍລັດຖະສະພາໃນນະຄອນຫຼວງລອນດອນສົ່ງຜົນເຮັດໃຫ້ຫຼາຍຄົນລວມທັງຕຳຫຼວດ 3 ຄົນບາດເຈັບແລະຫຼັງຕຳຮົ້ວກັ້ນທາງໃກ້ຫໍລັດຖະສະພາ,ຜູ້ໂຈມຕີໄດ້ລົງຈາກລົດແລະໃຊ້ມີດໄລ່ແທງຄົນເດີນທາງທັງມີເຈຕະນາເຂົ້າຫໍລັດຖະສະພາແລະໃນຂະນະໄລ່ແທງເຈົ້າໜ້າທີ່ຕຳຫຼວດຜູ້ໜຶ່ງທີ່ຮັບຜິດຊອບຮັກສາຄວາມສະຫງົບກໍຖືກວິສາມັນຄາດຕະກຳຈົນເສຍຊີວິດຄາທີ່.
ຫຼັເກີດເຫດກໍໄດ້ປິດຫໍລັດຖະສະພາທີ່ກຳລັງປະຊຸມແລະເຈົ້າໜ້າທີ່ຕຳຫຼວດກໍໄດ້ປິດກັ້ນບໍລິເວນໃກ້ຄຽງແລະປິດສະຖານີລົດໄຟໃຕ້ດິນເວັດສມິນສເຕີທີ່ຢູ່ຂ້າງຫໍລັດຖະສະພາທັງກ່າວເຕືອນບໍ່ໃຫ້ຄົນເຂົ້າໃກ້ບໍລິເວນໃຈກາງເມືອງ.
ເຈົ້າໜ້າທີ່ຕຳຫຼວດອັງກິດເປີດເຜີຍເມື່ອຕອນຄ່ຳວັນທີ 22 ມີນານີ້ວ່າ,ມີຜູ້ເສຍຊີວິດຈາກການໂຈມຕີກໍ່ການຮ້າຍເພີ່ມຂຶ້ນເປັນ 5 ຄົນແລະອີກປະມານ 40 ຄົນບາດເຈັບ.