ພິທີສ້າງຕັ້ງສູນແລກປ່ຽນແລະຄົ້ນຄວ້າວັດທະນະທຳຈີນ-ອິນໂດເນເຊຍ ໄດ້ຈັດຂຶ້ນຢູ່ມະຫາວິທະຍາໄລພາສາຕ່າງປະເທດປັກກິ່ງໃນວັນທີ 22 ມີນານີ້.
ໂອກາດດັ່ງກ່າວ, ທ່ານ ເພີງລົງ ອະທິການບໍດີມະຫາວິທະຍາໄລພາສາຕ່າງປະເທດປັກກິ່ງກ່າວວ່າ, ການສ້າງຕັ້ງສູນດັ່ງກ່າວ ແມ່ນມາດຕະການສຳຄັນຂອງມະຫາວິທະຍາໄລຕົນໃນການສ້າງອົງການໃຫ້ຄຳປຶກສາແບບໃໝ່ເພື່ອຮັບໃຊ້ປະເທດຊາດ ແລະຫວັງວ່າໃນອະນາຄົດຈະສາມາດຮ່ວມມືກັບໂຮງຮຽນຊັ້ນສູງອິນໂດເຊເຊຍຫຼາຍກວ່າເກົ່າ ແລະປະກອບສ່ວນເຂົ້າໃນການບຳລຸງສ້າງຊັບພະຍາກອນມະນຸດທີ່ດີເດັ່ນຫຼາຍກວ່າເກົ່າ ເພື່ອເສີມຂະຫຍາຍສາຍພົວພັນສອງຊາດ.
ທ່ານ ໂຊແກງ ຣາຮາດໂຈ ເອກອັກຄະລັດຖະທູດອິນໂດເນເຊຍປະຈຳຈີນກ່າວວ່າ, ໃນອະນາຄົດ, ຈີນແລະອິນໂດເນເຊຍຈະເພີ່ມທະວີການຮ່ວມມືລະຫວ່າງລັດຖະບານ, ວິສາຫະກິດ ແລະອົງການຈັດຕັ້ງປະຊາຊົນ. ການສ້າງຕັ້ງສູນດັ່ງກ່າວ ຈະເຮັດໃຫ້ການແລກປ່ຽນດ້ານການສຶກສາແລະວັດທະນະທຳລະຫວ່າງສອງປະເທດໃຫ້ມີພະລັງຊີວິດອີກເທື່ອໜຶ່ງ ແລະໃນຕໍ່ໜ້າ ຈະຈັດກິດຈະກຳຕ່າງໆ ເຊັ່ນຊຸດອົບຮົມການເຕັ້ນພື້ນເມືອງ, ຈັດກອງປະຊຸມສຳມະນາເປັນຕົ້ນ ເພື່ອຊຸກຍູ້ຄວາມເຂົ້າໃຈກັນລະຫວ່າງປະຊາຊົນສອງປະເທດໃນດ້ານວັດທະນະທຳຕື່ມອີກ.
 |
