ຕາມຂ່າວສານຊິນຮວາ: ທ່ານ ຟາຮານ ຮາກ ຮອງໂຄສົກເລຂາທິການໃຫຍ່ອົງການສະຫະປະຊາຊາດ ກ່າວໃນວັນທີ 23 ມີນານີ້ວ່າ, ໃນວັນທີ 22 ມີນານີ້, ທ່ານເລຂາທິການໃຫຍ່ ອັນໂຕນີໂອ ກູເທີເຣັສ ໄດ້ກ່າວປະນາມເຫດການຫຼອນໂຈມຕີແບບກໍ່ການຮ້າຍທີ່ເກີດຂຶ້ນຢູ່ໃກ້ຕຶກລັດຖະສະພາອັງກິດ ແລະເຈົ້າໜ້າທີ່ສະພາຄວາມໝັ້ນຄົງອົງການສະຫະປະຊາຊາດ ກໍໄດ້ກົ້ມຫົວໄວ້ອາໄລເຖິງດວງວິນຍານຂອງຜູ້ປະສົບເຄາະຮ້າຍໃນມື້ດຽວກັນ.
ທ່ານ ຮາກ ກ່າວໃນພິທີຖະແຫຼງຂ່າວວ່າ, ທ່ານ ກູເທີເຣັສ ໄດ້ສະແດງຄວາມເຫັນໃຈດ້ວຍຄວາມຈິງໃຈຕໍ່ຄອບຄົວຜູ້ປະສົບເຄາະຮາຍ ທັງໄດ້ສະແດງການສະໜັບສະໜັບສະໜູນປະຊາຊົນແລະລັດຖະບານອັງກິດໃນການຕໍ່ຕ້ານການກໍ່ການຮ້າຍ ແລະອວຍພອນໃຫ້ຜູ້ບາດເຈັບຈົ່ງມີສຸຂະພາບແຂງແຮງໂດຍໄວ.
ໃນມື້ດຽວກັນ, ທ່ານ ໂບຣິສ ຈອນຊັນ ລັດຖະມົນຕີກະຊວງການຕ່າງປະເທດອັງກິດ ກ່າວໃນໂອກາດເປັນປະທານກອງປະຊຸມໃນນາມປະທານໝູນວຽນຂອງສະພາຄວາມໝັ້ນຄົງປະຈຳເດືອນນີ້ວ່າ, ຕາງໜ້າສະພາຄວາມໝັ້ນຄົງ ຂໍກ່າວປະນາມເຫດການຫຼອນໂຈມຕີແບບກໍ່ການຮ້າຍຄັ້ງນີ້ຢ່າງຮຸນແຮງ ແລະສະແດງຄວາມເຫັນໃຈດ້ວຍຄວາມຈິງໃຈຕໍ່ຄອບຄົວຜູ້ປະສົບເຄາະຮ້າຍ.