ທ່ານຈ່າງກ່າວລີ້: ຈີນຈະຕັ້ງໜ້າຊຸກຍູ້ການຮ່ວມມືລະຫວ່າງຈີນ-ອາຊຽນ
2017-03-25 12:26:10 cri
ໃນໂອກາດກ່າວປາໄສໃນພິທີເປີດກອງປະຊຸມເວທີປຶກສາຫາລືອາຊີໂປອາວປີ 2017, ທ່ານຈ່າງກ່າວລີ້, ຮອງນາຍົກລັດຖະມົນຕີຈີນກ່າວວ່າ, ປີນີ້ແມ່ນການສ້າງຕັ້ງອາຊຽນຂຶ້ນຄົບຮອບ 50 ປີ, ແລະການສ້າງກົນໄກຮ່ວມມືອາຊຽນກັບຈີນ, ຍີ່ປຸ່ນແລະສ.ເກົາຫຼີຫຼື 10+3 ຂຶ້ນຄົບຮອບ 20 ປີ, ການຮ່ວມມືໃນພາກພື້ນອາຊີຕາເວັນອອກໄດ້ມາຢູ່ຈຸດເລີ່ມຕົ້ນໃໝ່. ພວກເຮົາຈະສືບຕໍ່ຊຸກຍູ້ການຮ່ວມມືຈີນ-ອາຊຽນ, ການຮ່ວມມືອາຊຽນກັບຈີນ, ຍີ່ປຸ່ນແລະສ.ເກົາຫຼີ, ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ, ກອງປະຊຸມສຸດຍອດອາຊີຕາເວັນອອກ, ການສົນທະນາແລະຮ່ວມມືອາຊີແລະອື່ນໆເຊິ່ງເປັນຂະບວນການຮ່ວມມືພາກພື້ນພັດທະນາເຂົ້າສູ່ລວງເລິກ, ຊຸກຍູ້ອະນຸສັນຍາການຍົກລະດັບເຂດການຄ້າເສລີຈີນອາຊຽນໃຫ້ມີຜົນບັງຄັບໃຊ້ຢ່າງຮອບດ້ານ, ສຳເລັດການເຈລະຈາສັນຍາການພົວພັນຄູ່ເສດຖະກິດຮອບດ້ານໃນພາກພື້ນ ຫຼື RCEPໂດຍໄວ, ຕັ້ງໜ້າຊຸກຍູ້ການສ້າງເຂດການຄ້າເສລີອາຊີປາຊີຟິກ, ສ້າງພື້ນຖານອັນໜັກແໜ້ນໃຫ້ແກ່ການສ້າງປະຊາຄົມຮ່ວມຊະຕາກຳອາຊີ.
