ວັນທີ 26 ມີນານີ້, ທ່ານນາງແຄຣີແລມແຈງເຢັດງໍໄດ້ຮັບເລືອກຕັ້ງເປັນຜູ້ວ່າການເຂດບໍລິການພິເສດຮົງກົງສປຈີນຊຸດທີ 5 ຫຼັງໄດ້ຮັບຄະແນນສຽງ 777 ສຽງຈາກການເລືອກຕັ້ງ.
ຕາມກົດໝາຍພື້ນຖານຮົງກົງແລະກົດລະບຽບວ່າດ້ວຍການເລືອກຕັ້ງຜູ້ວ່າການເຂດບໍລິຫານພິເສດຮົງກົງນັ້ນ,ຜູ້ທີ່ໄດ້ຮັບຄະແນນສຽງຫຼາຍກວ່າ 600 ສຽງກໍຈະໄດ້ເປັນຜູ້ວ່າການເຂດບໍລິຫານພິເສດ. ຂະນະທີ່ຄະນະກຳມະການຄຸ້ມຄອງການເລືອກຕັ້ງເຂດບໍລິຫານພິເສດຮົງກົງຖະແຫຼງໃນເວລາ 13 ໂມງ 20 ນາທີຂອງວັນທີ 26 ມີນານີ້ວ່າ: ທ່ານນາງແຄຣີແລມແຈງເຢັດງໍໄດ້ຮັບຄະແນນສຽງ 777 ສຽງ, ສ່ວນທ່ານຈອນ ຊາງຊຸນວາໄດ້ 365 ສຽງແລະທ່ານວູກອກຮິງໄດ້ 21 ສຽງ ຈາກນີ້ຈິ່ງເປັນທີ່ຈະແຈ້ງແລ້ວວ່ານາງແຄຣີແລມແຈງເຢັດງໍ ຈະເປັນຜູ້ວ່າການເຂດບໍລິຫານພິເສດຍິງຄົນທຳອິດ.
ທ່ານນາງແຄຣີແລມແຈງເຢັດງໍທີ່ປີນີ້ອາຍຸ 59 ປີຢືນຢັນໃນຂະນະໃຫ້ສຳພາດນັກຂ່າວຫຼັງໄດ້ຮັບໄຊຊະນະໃນການເລືອກຕັ້ງວ່າ: ຕົນຈະສຸມທຸກຄວາມພະຍາຍາມຈົນສຸດຄວາມສາມາດ ຮັກສານະໂຍບາຍ "ປະເທດດຽວສອງລະບອບ" ແລະຍຶດໝັ້ນອຸດົມຄະຕິຂອງຊາວຮົງກົງ, ຂະນະທີ່ວຽກງານສຳຄັນອັນດັບໜຶ່ງຫຼັງໄດ້ຮັບເລືອກຕັ້ງເປັນຜູ້ວ່າການເຂດບໍລິຫານພິເສດກໍຄືເພີ່ມທະວີຄວາມສາມັກຄີທົ່ວສັງຄົມຮົງກົງພ້ອມກັນກ້າວໜ້າຂະຫຍາຍຕົວ.