ຂປລ. ບັນດາຜູ້ປະກອບກິດຈະການໃໝ່ ໃນລຸ່ມແມ່ນ້ຳຂອງຈາກ ສປປ ລາວ, ຫວຽດນາມ, ໄທ, ກຳປູເຈຍ ແລະ ມຽນມາ ໄດ້ຮ່ວມ
ກັນ ຈັດຕັ້ງປະຕິບັດກິດຈະກຳ ເພື່ອການສົ່ງເສີມ ຜູ້ປະກອບການໃໝ່ ໃນພູມີພາກລຸ່ມແມ່ນ້ຳຂອງ ຖືເປັນໜຶ່ງໃນໂຄງການຊ່ວຍເຫລືອ
ຂອງລັດຖະບານ ສະຫະລັດອາເມລິກາພາຍໃຕ້ຊື່ Tigers@Mekong ແລະ ໂຄງການ Mekong Business Initiative (MBI)
ເຊິ່ງແມ່ນໂຄງການຊ່ວຍເຫລືອ ສົ່ງເສີມພາກເອກະຊົນ ໃນລຸ່ມແມ່ນ້ຳຂອງ ໂດຍລັດຖະບານ ອົດສະຕາລີ ແລະ ທະນາຄານ ພັດທະນາ
ອາຊີ.
ທ່ານ ສົມຈິດ ອິນທາມິດ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ ໄດ້ກ່າວໃນກອງປະຊຸມ ຜູ້ມີບົດບາດສົ່ງເສີມ ຜູ້ປະ
ກອບກິດຈະການໃໝ່ ໃນລຸ່ມແມ່ນ້ຳຂອງ ຄັ້ງທີ 2 ໃນວັນທີ 24 ມີນາ ນີ້ ຢູ່ນະຄອນຫລວງວຽງຈັນ ວ່າ: ເປົ້່າໝາຍຫລັກຂອງກອງ
ປະຊຸມນີ້ ແມ່ນແນ່ໃສ່ການສ້າງກິດຈະກຳ ສົ່ງເສີມຜູ້ປະກອບກິດຈະການໃໝ່ ໃນລະດັບພູມມີພາກ ສະແດງອອກ ລະຫວ່າງ ການດຳ
ເນີນກອງປະຊຸມ ຜູ້ເຂົ້າຮ່ວມຈະໄດ້ມີໂອກາດ ໃນການພັດທະນາກິດຈະກຳ ສົ່ງເສີມຜູ້ປະກອບກິດຈະການ ໃໝ່ດັ່ງກ່າວ ທີ່ຈະເຊື່ອມ
ໂຍງ ຜູ້ປະກອບກິດຈະການ ໃນພູມີພາກກັບລູກຄ້າ, ກຸ່ມຜູ້ໃຫ້ຄຳປຶກສາ ແລະລູກຈ້າງ ອັນຈະເຮັດໃຫ້ ຜູ້ປະກອບການໃໝ່ ສາມາດ
ເຂົ້າເຖິງແຫລ່ງຂໍ້ມູນ ແລະ ແຫລ່ງທຶນໃນລະດັບພູມີພາກ ຜ່ານອົງການຈັດຕັ້ງຕ່າງໆ ໃນແວດວົງຜູ້ປະກອບກິດຈະການໃໝ່ ໃນແຕ່
ລະປະເທດຫລາຍຂຶ້ນ.
 |
