ຕາມຂ່າວສານຊິນຮວາ: ຕອນບ່າຍວັນທີ 26 ມີນາ, ໂດຍຕອບສະໜອງຕາມຄຳເຊີນຂອງທ່ານບິວ ອິງກລິສ໌ ນາຍົກລັດຖະມົນຕີນູແວນຊີລັງ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ເດີນທາງດ້ວຍເຮືອບິນພິເສດເຖິງສະໜາມບິນສາກົນເວວລັງຕັນ ເຊິ່ງເປັນການເລີ່ມຢ້ຽມຢາມນູແວນຊີລັງຢ່າງເປັນທາງການ.
ໃນໄລຍະຢ້ຽມຢາມນູແວນຊີລັງ, ທ່ານຫຼີເຄີ້ສຽງຈະພົບປະເຈລະຈາກັບທ່ານບິວ ອິງກລິສ໌, ເຂົ້າຮ່ວມເປັນສັກຂີພິຍານໃນການລົງນາມໃນສັນຍາຮ່ວມມືສອງຝ່າຍ ແລະຮ່ວມຖະແຫຼງຂ່າວ. ນອກຈາກນີ້ ນາຍົກລັດຖະມົນຕີສອງປະເທດຍັງຈະຢ້ຽມຢາມໂຄງການຮ່ວມມືຈີນ-ນູແວນຊີລັງ, ຕ້ອນຮັບການເຂົ້າຢ້ຽມຄຳນັບຂອງສະມາຊິກຄະນະກຳມະການຊຸກຍູ້ການພົວພັນນູແວນຊີລັງ-ຈີນ, ເຂົ້າຮ່ວມກິດຈະກຳແລກປ່ຽນວັດທະນະທຳ ແລະອື່ນໆ ຢູ່ອັອກແລນ. ຂະນະດຽວກັນ ທ່ານຫຼີເຄີ້ສຽງຈະພົບປະທ່ານປັດຊີ ເຣດີ ຂ້າຫຼວງໃຫຍ່ນູແວນຊີລັງ, ທ່ານອັນດຣູ ລິດເຕວ ປະທານພັກກຳມະກອນນູແວນຊີລັງ ແລະທ່ານອື່ນໆ.
ຫຼັງສຳເລັດການຢ້ຽມຢາມອົສຕຣາລີຢ່າງເປັນທາງການ ແລະເຂົ້າຮ່ວມການພົບປະປະຈຳປີລະຫວ່າງນາຍົກລັດຖະມົນຕີຈີນ-ອົສຕຣາລີຮອບທີ 5 ແລ້ວທ່ານຫຼີເຄີ້ສຽງໄດ້ເດີນທາງດ້ວຍເຮືອບິນພິເສດເຖິງເວວລັງຕັນ ສືບຕໍ່ຢ້ຽມຢາມນູແວນຊີລັງຢ່າງເປັນທາງການ.