ງານໂຄສະນາການຮ່ວມມືເສດຖະກິດການຄ້າແລະທ່ອງທ່ຽວແຂວງສານຊີຈີນ-ກຳປູເຈຍ ໄດ້ຈັດຂຶ້ນຢູ່ນະຄອນຫຼວງພະນົມເປັນ ໂດຍທ່ານປັນ ໂຊຣາຊັກ ລັດຖະມົນຕີການຄ້າກຳປູເຈຍ, ທ່ານສົງປໍ ເອກອັກຄະລັດຖະທູດຈີນປະຈຳກຳປູເຈຍ ແລະ ທ່ານຮູເຫີຜິງ ເຈົ້າແຂວງແຂວງສານຊີເຂົ້າຮ່ວມ.
ທ່ານສົງປໍ ກ່າວວ່າ: ເມື່ອຕົ້ນປີນີ້, ທ່ານປັນ ໂຊຣາຊັກ ລັດຖະມົນຕີການຄ້າກຳປູເຈຍ ໄດ້ນຳພາຄະນະເດີນທາງຢ້ຽມຢາມແຂວງສານຊີ ແລະປະສົບຜົນສຳເລັດໃນການໂຄສະນານະໂຍບາຍການຄ້າກຳປູເຈຍ ເຊິ່ງເປັນການສ້າງຂົວຮ່ວມມືໃນການເຊື່ອມຕໍ່ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ແລະ "ຍຸດທະສາດ 4 ແຈ" ຂອງກຳປູເຈຍ. ຈາກນີ້ຈຶ່ງຫວັງວ່າຈະຫັນທ່າແຮງຈາກການຊ່ວຍໜູນກັນຂອງແຕ່ລະຝ່າຍກາຍເປັນໂອກາດຮ່ວມມືການຄ້າທີ່ແທ້ຈິງ.
ສອງຝ່າຍໄດ້ລົງນາມໃນບົດບັນທຶກຮ່ວມມືຫຼາຍສະບັບຫຼັງງານໂຄສະນາດັ່ງກ່າວ.
