ຕາມຂ່າວສານຈີນ: ທ່ານນາຈິບ ຕຸນ ຣາຊັກ ນາຍົກລັດຖະມົນຕີມາເລເຊຍໄດ້ເປີດເຜີຍຢູ່ເພດສ່ວນໂຕຂອງຕົນໃນ twitter ວ່າ, ພາຍຫຼັງສາມາດຊ່ວຍລູກເຮືອມາເລເຊຍສອງຄົນທີ່ຖືກອົງການອາບູຊາຢັຟລັກພາຕົວແລະສົ່ງກັບຄືນນະຄອນຫຼວງກົວລາລຳເປີແລ້ວ, ລູກເຮືອມາເລເຊຍ 5 ຄົນທີ່ຖືກອົງການດັ່ງກ່າວລັກພາຕົວເປັນເວລາ 8 ເດືອນກໍໄດ້ຮັບການຊ່ວຍເຫຼືອທັງໝົດແລ້ວ.
ທັງນີ້ເມື່ອວັນທີ 18 ກໍລະກົດ 2016, ມີເຮືອ 2 ລຳທີ່ເດີນທາງຈາກເມືອງຊັນດາກັນມຸ່ງໜ້າສູ່ເມືອງເຊັມປໍນາຈອດ, ແລະມື້ຖັດມາ, ຕຳຫຼວດກໍໄດ້ຢືນຢັນວ່າ ລູກເຮືອມາເລເຊຍ 5 ຄົນຢູ່ເຮືອຖືກລັກພາຕົວ.
ຂ່າວແຈ້ງຕື່ມວ່າ, ກຸ່ມລັກພາຕົວໄດ້ຮຽກຄ່າໄຖ່ປະມານ 4 ແສນໂດລາສະຫະລັດຕໍ່ຄົນ, ທັງນີ້ສື່ມວນຊົນມາເລເຊຍລາຍງານວ່າ, ເຈົ້າໜ້າທີ່ທະຫານຟີລິປິບຊ່ວຍໃຫ້ສອງຄົນ ແລະອີກສາມຄົນໄດ້ຮັບການຊ່ວຍເຫຼືອໃນວັນທີ 27 ມີນາ. ຈາກນັ້ນ ທ່ານນາຈິບກໍໄດ້ສະແດງຄວາມຂອບໃຈຕໍ່ເຈົ້າໜ້າທີ່ທະຫານຟີລິບປິນ ແລະກ່າວວ່າ ນີ້ຄືຜົນແຫ່ງການຮ່ວມມືຢ່າງຈິງໃຈລະຫວ່າງລັດຖະບານມາເລເຊຍແລະລັດຖະບານຟີລິບປິນ.