ທ່ານປີເຕີ ກຸດເຟໂລ ປະທານພັກຊົນຊາດນູແວນເຊລັງ ເຊິ່ງເປັນພັກກຳອຳນາດ ພ້ອມດ້ວຍທ່ານຢາງຈ້ຽນ ສະມາຊິກລັດຖະສະພາ ຊາວນູແວນເຊລັງເຊື້ອສາຍຈີນ ແລະທ່ານອື່ນໆ ໄດ້ປະກາດໃນວັນທີ 28 ມີນານີ້ວ່າ ຈະຮ່ວມລິເລີ່ມສ້າງກົນໄກຊຸກຍູ້ "ໜຶ່ງແລວທາງໜຶ່ງເສັ້ນທາງ".
ຂ່າວແຈ້ງວ່າ, ກົນໄກດັ່ງກ່າວມີປະສິດທິພາບສູງຕໍ່ການຈັດສັນຊັບພະຍາກອນ ແລະ ຄວາມສາມາດການເຊື່ອມຕໍ່ກັນ ໂດຍການອີງໃສ່ທັດສະນະ "ໜຶ່ງແລວທາງໜຶ່ງເສັ້ນທາງ" ແລະຜ່ານການປະດິດສ້າງຮູບແບບໃໝ່ແລະສະທ້ອນຕໍ່ກັນ ສຸມໃສ່ແກ້ໄຂບັນຫາຄວາມຕ້ອງການຂອງອົງການຈັດຕັ້ງ, ບຸກຄົນ ໃນການຊອກຫາໂອກາດການຄ້າ, ຜູ້ສື່ກາງ, ການເຈລະຈາການຮ່ວມມື, ສ້າງຄວາມຮູ້ໃຫ້ແກ່ຕົນເອງ, ຊອກຊ່ອງທາງ ແລະອື່ນໆ ເພື່ອເຂົ້າຮ່ວມການກໍ່ສ້າງໃນຂອບ "ໜຶ່ງແລວທາງໜຶ່ງເສັ້ນທາງ".
ກ່ອນໜ້ານີ້, ທ່ານໂຮ້ຈ້ຽນສຽງ ສະມາຊິກລັດຖະສະພາສັງກັດພັກແຮງງານນູແວນເຊລັງ ເຊິ່ງເປັນພັກຝ່າຍຄ້ານທີ່ໃຫຍ່ທີ່ສຸດ ກໍໄດ້ປະກາດໃນວັນທີ 21 ມີນານີ້ວ່າ ການສ້າງຕັ້ງອົງການຫົວກະທິແລະສະມາຄົມມູນນິທິ "ໜຶ່ງແລວທາງໜຶ່ງເສັ້ນທາງ" ຫວັງຈະເຮັດໃຫ້ຊ່ອງທາງການລົງທຶນແລະລະດົມທຶນລະຫວ່າງນູແວນເຊລັງ-ຈີນທະລຸໂລ່າງໄປດ້ວຍດີ.