ຫວ່າງມໍ່ໆມານີ້, ກຸ່ມບໍລິສັດເຫິງຢີ້ເຈີ້ຈ່ຽງ ວິສາຫະກິດນ້ຳມັນເຊື້ອໄຟເຄມີພາກເອກະຊົນຈີນ ໄດ້ປະກາດຢູ່ເມືອງບັນດາເສຣີເບກາວັນຢ່າງເປັນທາງການວ່າ: ບໍລິສັດຕົນຕົກລົງລົງທຶນໃນອຸດສາຫະກຳນ້ຳມັນເຊື້ອໄຟເຄມີ ພ້ອມຂົງເຂດທີ່ກ່ຽວຂ້ອງຂອງບຣູໄນ.
ບໍລິສັດອຸດສາຫະກຳເຫິງຢີ້ SDN BHD ບຣູໄນຈຳກັດ ທີ່ຮ່ວມສ້າງຕັ້ງຂຶ້ນໂດຍກຸ່ມບໍລິສັດເຫິງຢີ້ແລະບຣູໄນນັ້ນ ໄດ້ຮ່ວມກັບກົມພະລັງງານ ແລະ ກົມພັດທະນາເສດຖະກິດບຣູໄນ ລົງນາມໃນສັນຍາດຳເນີນໂຄງການນ້ຳມັນເຊື້ອໄຟເຄມີເກາະປູເລົາມົວຣາ ໃນວັນທີ 27 ມີນານີ້.
ຂ່າວແຈ້ງວ່າ, ໂຄງການດັ່ງກ່າວຈະລົງທຶນໃນໄລຍະທີໜຶ່ງ 3 ຕື້ 445 ລ້ານໂດລາສະຫະລັດ ແລະຈະສາມາດກັ່ນແລະຜະລິດນ້ຳມັນເຊື້ອໄຟ 8 ລ້ານໂຕນຕໍ່ປີ. ໃນສັນຍາໄດ້ລະບຸວ່າ: ລັດຖະບານບຣູໄນສະໜັບສະໜູນບໍລິສັດເຫິງຢີ້ກໍ່ສ້າງແລະບໍລິຫານໂຄງການ, ຂະນະດຽວກັນ ບໍລິສັດກໍແບກຫາບຄວາມຮັບຜິດຊອບທາງເສດຖະກິດແລະສັງຄົມໃນລະດັບໜຶ່ງ ລວມທັງສ້າງວຽກເຮັດງານທຳ ແລະ ໂອກາດທຸລະກິດການຄ້າໃຫ້ແກ່ທ້ອງຖິ່ນ, ຊຸກຍູ້ການລົງທຶນໂດຍກົງຈາກນັກທຸລະກິດຕ່າງປະເທດ ແລະອື່ນໆ.
