ວັນທີ 28 ມີນານີ້, ກອງທຶນເພື່ອເດັກນ້ອຍ ອົງການສະຫະປະຊາຊາດ ຫຼື UNICEF ໄດ້ຮຽກຮ້ອງໃຫ້ຝ່າຍຕ່າງໆຊ່ວຍບໍລິຈາກ 255 ລ້ານໂດລາສະຫະລັດເພື່ອຕ້ານໄພອຶດຫິວທີ່ອາດຈະກະທົບເຖິງເດັກນ້ອຍເກືອບ 1 ລ້ານ 4 ແສນຄົນຢູ່ນີເຊລີ, ໂຊມາລີ, ຊູດັງໃຕ້, ເຢແມນ ແລະປະເທດອື່ນໆ.
ຂ່າວແຈ້ງວ່າ, ເງິນບໍລິຈາກງວດນີ້ຈະນຳໃຊ້ໃນການສະໜອງອາຫານ, ນ້ຳດື່ມ, ການປິ່ນປົວສຸຂະພາບ ແລະອື່ນໆ ຢູ່ບັນດາປະເທດດັ່ງກ່າວໃນຫຼາຍເດືອນຕໍ່ໜ້ານີ້.
ຂ່າວແຈ້ງຕື່ມວ່າ, ທ່ານອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດ ໄດ້ກ່າວໃນພິທີຖະແຫຼງຂ່າວເມື່ອເດືອນຜ່ານມາວ່າ: ຢູ່ນີເຊລີ, ໂຊມາລີ, ຊູດັງໃຕ້ ແລະ ເຢແມນ ມີກວ່າ 20 ລ້ານຄົນຜະເຊີນກັບໄພອຶດຫິວ ແລະຕ້ອງການຊ່ວຍເຫຼືອດ່ວນ 4 ຕື້ 400 ລ້ານໂດລາສະຫະລັດ, ແຕ່ປັດຈຸບັນ ທຶນຊ່ວຍເຫຼືອງວດນີ້ສ່ວນຫຼາຍຍັງບໍ່ໄດ້ຮັບບໍລິຈາກເທື່ອ.