ຫວ່າງມໍ່ໆມານີ້,ບໍລິສັດການບິນໄທຫຼື Thai Airways ໄດ້ເປີດບໍລິການເສັ້ນທາງການບິນໂດຍກົງແຕ່ນະຄອນຫຼວງປັກກິ່ງ ສປ ຈີນຫາເກາະພູເກັດ. ຂະນະທີ່ເຈົ້າໜ້າທີ່ອົງການທ່ອງທ່ຽວແຫ່ງຊາດໄທກ່າວວ່າ:ປັດຈຸບັນໄດ້ເປີດບໍລິການເສັ້ນທາງການບິນໂດຍກົງຈີນ-ພູເກັດ 23 ສາຍແລະການເໝົາຍົນ 1 ສາຍ.
ຫຼາຍປີຜ່ານມາ, ເກາະພູເກັດປະເທດໄທແມ່ນໜຶ່ງໃນແຫຼ່ງທ່ອງທ່ຽວທີ່ໄດ້ຮັບຄວາມນິຍົມຊົມຊອບຈາກນັກທ່ອງທ່ຽວຈີນຫຼາຍທີ່ສຸດ.ຂະນະທີ່ກ່ອນໜ້ານີ້ບໍ່ດົນ,ບໍລິສັດການບິນສາຍໃຕ້ຈີນຫຼື China Southern Airlinesກໍໄດ້ເປີດເສັ້ນທາງການບິນໂດຍກົງລະຫວ່າງເມືອງເຈ່ຍຢາງແຂວງກວາງຕຸ້ງຈີນ-ເກາະພູເກັດຂອງໄທອາທິດລະຖ້ຽວ.
ເຈົ້າໜ້າທີ່ອົງການທ່ອງທ່ຽວແຫ່ງຊາດໄທກ່າວວ່າ: ເສັ້ນທາງການບິນປັກກິ່ງ-ເກາະພູເກັດທີ່ບໍລິສັດການບິນໄທເປີດໃນຄັ້ງນີ້ ຈະສາມາດດຶງດູດນັກທ່ອງທ່ຽວຈີນໄປທ່ຽວເກາະພູເກັດໄດ້ຫຼາຍກວ່າເກົ່າ ໂດຍສະເພາະໃນໄລຍະວັນກຳມະກອນສາກົນທີ 1 ພຶດສະພາ ແລະ ວັນຊາດຈີນທີ 1 ຕຸລາໃນແຕ່ລະປີ, ນັກທ່ອງທ່ຽວຈີນທີ່ໄປທ່ຽວພູເກັດຈະເພີ່ມຫຼາຍຂຶ້ນກວ່າເກົ່າ.