ໃນການຖະແຫຼງຂ່າວໃນວັນທີ 28 ມີນານີ້, ທ່ານນາງ ຮວ້າຊຸ່ນຢີງ ໂຄສົກກະຊວງການຕ່າງປະເທດຈີນກ່າວຂະນະຕອບຄຳຖາມກ່ຽວກັບການສ້າງສະໜາມບິນໃໝ່ຢູ່ເກາະທະເລຈີນໃຕ້ວ່າ: ຈະພັດທະນາໂຄງລ່າງປ້ອງກັນດິນແດນແຫ່ງຊາດທີ່ຈຳເປັນຢູ່ດິນແດນຂອງຕົນຫຼືບໍ່ນັ້ນແມ່ນເລື່ອງ ອະທິປະໄຕຂອງຈີນແລະກໍແມ່ນສິດປ້ອງກັນ,ສິດປົກປັກຮັກສາຕາມທີ່ກົດໝາຍສາກົນໃນຖານະປະເທດອະທິປະໄຕ.
ທ່ານນາງ ຮວ້າຊຸ່ນຢີງ ກ່າວວ່າ: ໝູ່ເກາະນານຊ່າແມ່ນດິນແດນດັ້ງເດີມຂອງຈີນ ເຊິ່ງຈີນດຳເນີນການກໍ່ສ້າງຢູ່ດິນແດນຂອງຕົນ ກໍເພື່ອປັບປຸງຊີວິດການເປັນຢູ່ແລະການເຮັດວຽກງານຂອງພະນັກງານປະຈຳເກາະໃຫ້ດີຂຶ້ນ ທັງເພື່ອປົກປັກຮັກສາອະທິປະໄຕຂອງປະເທດຕົນໃຫ້ໄດ້ເປັນຢ່າງດີ ພ້ອມທັງຍົກລະດັບການອຳນວຍຄວາມສະດວກໃຫ້ແກ່ພາຍໃນແລະຄວາມສາມາດໃນການບໍລິການຂອງເກາະດອນທະເລຈີນໃຕ້ໃນລະດັບສາກົນ ເພື່ອສາມາດປະຕິບັດພັນທະສາກົນໄດ້ເປັນຢ່າງດີກວ່າເກົ່າ.
 |
