ຕາມຂ່າວສານຊິນຮວາ: ຍົນເຮລີກົບແຕພົນລະເຮືອນຂະໜາດໃຫຍ່ຮຸ່ນທຳອິດ AC313 ທີ່ຈີນຜະລິດເອງໄດ້ສຳເລັດການທົດລອງບິນໃນຂະນະຝົນຕົກໜັກ ຢູ່ສະໜາມບິນຫຼຸຍເໝິງເມືອງຈິງເຕີເຈິ້ນ ເຊິ່ງນີ້ເປັນການຊີ້ໃຫ້ເຫັນວ່າ ການທົດລອງບິນຖືກຕ້ອງຕາມມາດຕະຖານເຕັກນິກທຸກປະການ, ເຖິງວ່າຝົນຕົກໜັກ, ຍົນເຮລີກົບແຕ AC313 ກໍສາມາດບິນໄດ້ຢ່າງປອດໄພ ໂດຍລະບົບແລະອຸປະກອນເຕັກນິກຕ່າງໆຂອງຍົນຢູ່ໃນສະພາບປົກະຕິ, ນັກບິນສາມາດເບິ່ງເຫັນສະພາບພາຍນອກໄດ້ຈະແຈ້ງ ແລະຕອບສະໜອງຕາມຄວາມຕ້ອງການໃນເວລາບິນຂະນະຝົນຕົກໜັກ.
ຍົນເຮລີກົບແຕ AC313 ເປັນຍົນພົນລະເຮືອນຂະໜາດໃຫຍ່ທີ່ກຸ່ມອຸດສາຫະກຳການບິນຈີນເປັນຜູ້ຄົ້ນຄວ້າຜະລິດ ແລະໄດ້ຕາມມາດຕະຖານຍົນເຮລີກົບແຕຮຸ່ນທີສາມຂອງໂລກ.