ວັນທີ 29 ມີນານີ້, ຄູ 21 ຄົນຈາກມະຫາວິທະຍາໄລເຕັກໂນໂລຢີລາຊະມົງຄົນທັນຍະບຸຣີ ໄດ້ເຂົ້າຮ່ວມພິທີປິດຊຸດອົບຮົມຄູສອນການຄົມມະນາຄົມຂົນສົ່ງລະບົບລາງລົດໄຟໄທໃນວິທະຍາໄລເຕັກນິກວິຊາຊີບທາງລົດໄຟເມືອງຫຼິວໂຈ່ວເຂດກວາງຊີ ສປ ຈີນ ຫຼັງສຳເລັດການຍົກລະດັບມາເປັນເວລາ 24 ວັນ.
ທ່ານຫຼຽງຈຽງ ຫົວໜ້າພະແນກແລກປ່ຽນສາກົນຂອງວິທະຍາໄລດັ່ງກ່າວ ກ່າວວ່າ: ນີ້ແມ່ນເທື່ອທີ 3 ທີ່ວິທະຍາໄລຕົນຈັດຊຸດອົບຮົມຍົກລະດັບໃຫ້ຄູສອນການຄົມມະນາຄົມຂົນສົ່ງລະບົບທາງລົດໄຟໄທ ໂດຍສາມາດຍົກລະດັບໃຫ້ແກ່ຄູ 51 ຄົນຈາກໂຮງຮຽນຊັ້ນສູງຂອງໄທ 12 ແຫ່ງ.
ນີ້ເປັນພຽງສ່ວນໜຶ່ງເທົ່ານັ້ນທີ່ວິທະຍາໄລດັ່ງກ່າວຮ່ວມມືຍົກລະດັບນັກວິຊາການທາງລົດໄຟຄວາມໄວສູງກັບປະເທດຢູ່ຕາມ "ໜຶ່ງແລວທາງໜຶ່ງເສັ້ນທາງ". ແນວໃດກໍດີ, ທ່ານຫຼຽງຈຽງ ກໍໄດ້ກ່າວຕື່ມວ່າ: ມີໂຮງຮຽນຊັ້ນສູງຈາກລາວ, ໄທ, ອິນໂດເນເຊຍ ແລະປະເທດອື່ນໆ 20 ກວ່າແຫ່ງໄດ້ມາທັດສະນະສຶກສາ ແລະ ແລກປ່ຽນກັບວິທະຍາໄລຕົນ, ຂະນະທີ່ວິທະຍາໄລຕົນກໍໄດ້ວາງແຜນຍົກລະດັບນັກວິຊາການທາງລົດໄຟໃຫ້ແກ່ໂຮງຮຽນຊັ້ນສູງ 6 ແຫ່ງແລ້ວ ທັງໄດ້ປະກອບແຜນການສ້າງຫ້ອງທົດລອງ ແລະ ຝຶກແອບຕົວຈິງນຳອີກ.