ວັນທີ 29 ມີນານີ້, ກອງປະຊຸມສຳມະນາລະຫວ່າງຈີນແລະອັຟການິສະຖານຮ່ວມກັນສ້າງ "ໜຶ່ງແລວທາງໜຶ່ງເສັ້ນທາງ" ໄດ້ຈັດຂຶ້ນຢູ່ນະຄອນຫຼວງກາບູນປະເທດອັຟການິສະຖານ.
ທ່ານ ເຮັກມັດ ຄຮາລິວ ຄາຊາຍ ຮອງລັດຖະມົນຕີກະຊວງການຕ່າງປະເທດອັຟການິສະຖານກ່າວໃນກອງປະຊຸມວ່າ: "ປະເທດຕົນເຊື່ອມຕໍ່ກັບອາຊີກາງ,ອາຊີໃຕ້,ຕາເວັນອອກກາງແລະຈີນ, ແລະບົນພື້ນຖານການມີພູມສັນຖານທີ່ດີຈະຊຸກຍູ້ການປະຕິບັດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ເຊິ່ງອັຟການິສະຖານກໍຈະໄດ້ຮັບໂອກາດພັດທະນາຢ່າງໃຫຍ່ຫຼວງ. ການເປີດບໍລິການຂະບວນລົດໄຟຂົນສົ່ງສິນຄ້າລະຫວ່າງຈີນ-ອັຟການິສະຖານ, ການຟື້ນຟູຖ້ຽວບິນໂດຍກົງກາບູນ-ອູລຸມກີກໍແມ່ນຕົວແບບທີ່ດີໃນການຮ່ວມມືຕົວຈິງລະຫວ່າງສອງປະເທດ."
ຄະນະຜູ້ແທນຜູ້ຊ່ຽວຊານແລະນັກວິຊາການຈີນພ້ອມດ້ວຍແຂກທີ່ເຂົ້າຮ່ວມກອງປະຊຸມໄດ້ຄົ້ນຄວ້າແລະປຶກສາຫາລືໃນຫົວຂໍ້ຕ່າງໆເຊັ່ນ: ການເພີ່ມທະວີການເຊື່ອມຈອດກັນ,ຊຸກຍູ້ການຄ້າແລະການລົງທຶນແລະເພີ່ມທະວີການແລກປ່ຽນດ້ານວັດທະນະທຳພາຍໃຕ້ຂອບ "ໜຶ່ງແລວທາງໜຶ່ງເສັ້ນທາງ"ເປັນຕົ້ນ.