ຂປລ. ວັນທີ 29 ມີນາ ນີ້, ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບ
ຂອງທ່ານ Liqun JIN ປະທານທະນາຄານລົງທຶນໂຄງລ່າງພື້ນ ຖານອາຊີ (AIIB) ໃນໂອກາດເດີນທາງມາຢ້ຽມຢາມ ແລະເຮັດ
ວຽກ ຢູ່ ສປປ ລາວ ລະຫວ່າງວັນທີ 29-31 ມີນາ 2017 ນີ້.
ໃນໂອກາດດັ່ງກ່າວ, ທ່ານ ບຸນຍັງ ວໍລະຈິດ ໄດ້ສະແດງຄວາມຊົມເຊີຍ ຍິນດີຕ້ອນຮັບ ແລະ ຕີລາຄາສູງຕໍ່ທ່ານ Liqun JIN
ພ້ອມດ້ວຍຄະນະ ທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ເຊິ່ງເປັນການປະກອບສ່ວນຮັດແໜ້ນ ການພົວ
ພັນຮ່ວມມື, ຊ່ວຍເຫລືອເຊິ່ງກັນ ແລະ ກັນລະຫວ່າງ ສປປ ລາວ ກັບທະນາຄານລົງທຶນໂຄງລ່າງພື້ນຖານອາຊີ ໃຫ້ໄດ້ຮັບການພັດ
ທະນາ ແລະ ແຕກດອກອອກຜົນຍິ່ງໆຂຶ້ນ, ທັງເປັນການຊ່ວຍສ້າງເງື່ອນໄຂໃຫ້ຄະນະບໍລິຫານ ຂອງທະນາຄານລົງທຶນໂຄງລ່າງພື້ນ
ຖານອາຊີ ກຳໄດ້ສະພາບການພັດທະນາເສດຖະກິດ-ສັງຄົມ ແລະ ສິ່ງທ້າທາຍຕ່າງໆ ເພື່ອພິຈາລະນາໃຫ້ການຊ່ວຍເຫລືອແກ່
ສປປ ລາວ ໃນຕໍ່ໜ້າ.
ທ່ານ Liqun JIN ໄດ້ສະແດງຄວາມຂອບໃຈ ຕໍ່ທ່ານ ບຸນຍັງ ວໍລະຈິດ ທີ່ໄດ້ສະຫລະເວລາອັນມີຄ່າ ໃຫ້ການຕ້ອນຮັບຢ່າງ
ອົບອຸ່ນ, ພ້ອມທັງແຈ້ງຈຸດປະສົງຂອງການ ເດີນທາງມາຢ້ຽມ ສປປ ລາວ ໃນຄັ້ງນີ້ ແລະ ລາຍງານໂດຍຫຍໍ້ ກ່ຽວກັບຄວາມເປັນມາ
ຂອງທະນາຄານດັ່ງກ່າວ ໃຫ້ທ່ານປະທານປະເທດຊາບ. ທະນາຄານລົງທຶນໂຄງລ່າງພື້ນຖານອາຊີ ເປັນສະຖາບັນການເງິນສາກົນ
ຖານະດຽວກັບ ທະນາຄານພັດທະນາອາຊີ ໂດຍແມ່ນ ສປ ຈີນ ເປັນຜູ້ລິເລີ່ມ ແລະ ຖືຮຸ້ນສ່ວນໃຫຍ່, ມີສະມາຊິກທັງໝົດ 70 ປະ
ເທດໃນທົ່ວໂລກ./.