ຕາມຂ່າວCRI: ທ່ານມາສຽວກ່ວງ ໂຄສົກຫ້ອງການວຽກງານໄຕ້ຫວັນຄະນະລັດຖະບານຈີນຢ້ຳໃນພິທີຖະແຫຼງຂ່າວທີ່ຈັດຂຶ້ນໃນຕອນເຊົ້າວັນທີ 29 ມີນານີ້ວ່າ, ແຜ່ນດິນໃຫຍ່ຈີນຈະເຮັດຄືແຕ່ເກົ່າເມືອຫຼັງເພື່ອອຳນວຍຄວາມສະດວກໃຫ້ແກ່ພີ່ນ້ອງຮ່ວມຊາດໄຕ້ຫວັນມາດຳເນີນທຸລະກິດແລະພັດທະນາຢູ່ແຜ່ນດິນໃຫຍ່.
ທ່ານມາສຽວກ່ວງກ່າວວ່າ, ຫ້ອງການຕົນໄດ້ສ້າງຕັ້ງ 53 ອົງການ ເພື່ອໃຫ້ນັກທຸລະກິດໄຕ້ຫວັນມາດຳເນີນທຸລະກິດຢູ່ແຜ່ນດິນໃຫຍ່ ແລະມີຫຼາຍທ້ອງຖິ່ນໄດ້ວາງນະໂຍບາຍສະໜັບສະໜູນຕ່າງໆ ທີ່ພົວພັນເຖິງເງິນສະໜັບສະໜູນການດຳເນີນທຸລະກິດ, ການຝຶກອົບຮົມ, ສະຖານທີ່ທຸລະກິດ ແລະອື່ນໆ ແລະໃນຕໍ່ໜ້າ ພວກເຮົາຈະເລັ່ງຄົ້ນຄວ້າແລະວາງມາດຕະການອຳນວຍຄວາມສະດວກໃຫ້ແກ່ພີ່ນ້ອງຮ່ວມຊາດໄຕ້ຫວັນ ລວມທັງຊາວໜຸ່ມໄຕ້ຫວັນມາຮ່ຳຮຽນ, ປະກອບອາຊີບ, ເຮັດວຽກ ແລະດຳລົງຊີວິດຢູ່ແຜ່ນດິນໃຫຍ່ ເຊິ່ງມາດຕະການເຫຼົ່ານີ້ຈະເລີ່ມເຜີຍແຜ່ແລະປະຕິບັດໃນປີນີ້ຕາມໆກັນ.