ການສຳມະນາລະນຶກການເລີ່ມຕົ້ນການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄົບຮອບ 1 ປີກໍຄືການທົບທວນແລະວິໄສທັດໄດ້ຈັດຂຶ້ນຢູ່ເມືອງຄຸນມິງແຂວງຢຸນນານ ສປ ຈີນໃນວັນທີ 31 ມີນານີ້ໂດຍຊ່ຽວຊານຈາກມະຫາວິທະຍາໄລແລະສະຖາບັນຄົ້ນຄວ້າຫຼາຍແຫ່ງ, ເຈົ້າໜ້າທີ່ກອງເລຂາຈີນໃນການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງແລະເຈົ້າໜ້າທີ່ອົງການປົກຄອງແຂວງຢຸນນານ 20 ກວ່າທ່ານພ້ອມດ້ວຍນັກຮຽນນັກສຶກສາແລະຄູອາຈານມະຫາວິທະຍາໄລຢຸນນານ 200 ກວ່າຄົນເຂົ້າຮ່ວມ.
ຊ່ຽວຊານທີ່ຮ່ວມປະຊຸມເຫັນວ່າ: ໜຶ່ງປີຜ່ານມານີ້, ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງທີ່ຮ່ວມກັນຊີ້ນຳແລະສົ່ງເສີມໂດຍ6 ປະເທດລຽບແມ່ນ້ຳລ້ານຊ້າງ-ແມ່ນ້ຳຂອງຄືຈີນ, ກຳປູເຈຍ, ລາວ,ມຽນມາ,ໄທແລະຫວຽດນາມໄດ້ຮັບຄວາມຄືບໜ້າສຳຄັນຫຼາຍຢ່າງ. ຂະນະທີ່ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງໃນຕໍ່ໜ້າຄວນຕັ້ງໜ້າຊຸກຍູ້ຈາກດ້ານການສ້າງ "ໜຶ່ງແລວທາງໜຶ່ງເສັ້ນທາງ", ບັນດາປະເທດກ່ຽວຂ້ອງຄວນເອົາໃຈໃສ່ປະສານງານດ້ານຜົນປະໂຫຍດຂອງໃຜລາວ, ຮ່ວມມືດ້ວຍການປະຕິບັດຕົວຈິງບົນພື້ນຖານຄວາມຍຸຕິທຳ,ສົມເຫດສົມຜົນ,ປຶກສາຫາລືແລະຕ່າງຝ່າຍຕ່າງມີຜົນປະໂຫຍດ ແລະຫຼັງຊຸກຍູ້ໂຄງການເພື່ອນຳເອົາຜົນປະໂຫຍດເບື້ອງຕົ້ນຕາມເວລາກຳນົດນັ້ນ, ຍິ່ງຄວນເອົາໃຈໃສ່ຕໍ່ການສ້າງລະບຽບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ, ເພີ່ມທະວີການແລກປ່ຽນລະຫວ່າງຊາວໜຸ່ມແລະການບຳລຸງສ້າງຊັບພະຍາກອນມະນຸດຂອງປະເທດລຽບຕາມແມ່ນ້ຳລ້ານຊ້າງ-ແມ່ນ້ຳຂອງ.