ທ່ານວຼາດີເມຍ ປູຕິນ ປະທານາທິບໍດີຣັດເຊຍ ໄດ້ອອກມາປະຕິເສດໃນວັນທີ 30 ມີນານີ້ວ່າ ປະເທດຕົນບໍ່ໄດ້ກ່ຽວຂ້ອງການເລືອກຕັ້ງທົ່ວໄປຂອງອາເມລິກາແຕ່ປະການໃດ.
ໃນວັນດັ່ງກ່າວ, ທ່ານປູຕິນ ໄດ້ກ່າວເຖິງບັນຫາສາຍພົວພັນລະຫວ່າງຣັດເຊຍ-ອາເມລິກາ ໃນເວທີປຶກສາຫາລືຂົ້ວໂລກເໜືອສາກົນ "ຂົ້ວໂລກເໜືອ-ພາກພື້ນສົນທະນາ" ຄັ້ງທີ 4 ທີ່ຈັດຂຶ້ນຢູ່ເມືອງອາຄັນເກນສ໌ ທາງພາກຕາເວັນຕົກສຽງເໜືອຣັດເຊຍ ໂດຍໄດ້ຕີລາຄາວ່າ ສາຍພົວພັນລະຫວ່າງສອງປະເທດເກືອບຕົກມາຢູ່ຈຸດສູນ ທັງກ່າວວ່າ ການທຳລາຍສາຍພົວພັນລະຫວ່າງຣັດເຊຍ-ອາເມລິກາເປັນການກະທຳທີ່ຜິດພາດຢ່າງໜັກໜ່ວງທີ່ສຸດ, ຂະນະທີ່ຜູ້ທີ່ມີຄວາມຄິດນີ້ກໍເປັນຜູ້ທີ່ບໍ່ມີຄວາມຮັບຜິດຊອບ.
ທ່ານປູຕິນ ກ່າວຕື່ມວ່າ: ຂ້າພະເຈົ້າຫວັງຢ່າງຍິ່ງວ່າ ສາຍພົວພັນລະຫວ່າງຣັດເຊຍ-ອາເມລິກາຈະຄືນສູ່ສະພາບປົກກະຕິໂດຍໄວ".