ຕາມຂ່າວCRI: 3 APP ຫຼາຍພາສາຂອງ CRI ຄື "ChinaNews, ChinaRadio ແລະ ChinaTV" ໄດ້ເປີດນຳໃຊ້ ເຊິ່ງມີຈຸດປະສົງເພື່ອບໍລິການຮັບໃຊ້ທົ່ວໂລກ ໂດຍສາມາດອ່ານຂ່າວ, ຟັງລາຍການວິທະຍຸ ແລະຊົມວິດີໂອໃນ APP ເຊິ່ງໄດ້ມີການບໍລິການຄົບທຸກສື່ ໂດຍກົງ, ຕິດແທດຕົວວຈິງ ແລະແລກປ່ຽນກັບຜູ້ຊົມໃຊ້ທົ່ວໂລກຊອກໃນການຮູ້ສະພາບຂອງຈີນ ແລະໂລກ. ການເປີດນຳໃຊ້ APP ເຫຼົ່ານີ້ກາຍເປັນຂີດໝາຍທີ່ສະແດງໃຫ້ເຫັນວ່າ ການພັດທະນາຫຼາກຫຼາຍສື່ຂອງ CRI ໄດ້ກ້າວສູ່ໄລຍະໃໝ່.
CRI ສ້າງຕັ້ງຂຶ້ນເມື່ອເດືອນທັນວາປີ 1941 ເຊິ່ງມາຮອດປັດຈຸບັນ ໄດ້ກະຈາຍສຽງເປັນ 65 ພາສາຕໍ່ທົ່ວໂລກຕະຫຼອດ 24 ຊົ່ວໂມງ ແລະເປັນອົງການສື່ສາກົນທີ່ໃຊ້ພາສາຫຼາຍທີ່ສຸດໃນໂລກ. ຫຼາຍປີມໍ່ໆມານີ້, CRI ໄດ້ຍຶດໝັ້ນ "ຫຼາຍສື່ເຊື່ອມໂຍງກັນ ແລະພັດທະນາທຸກສື່", ໄດ້ຫັນຈາກອົງການສື່ວິທະຍຸ ກະຈາຍສຽງຕໍ່ໂລກກາຍມາເປັນອົງການໃຊ້ຫຼາຍສື່ໂຄສະນາເຜີຍແຜ່ສາກົນ.
ການເປີດນຳໃຊ້ APP ເຫຼົ່ານີ້ລ້ວນແຕ່ອີງໃສ່ແລະເພີ່ມທະວີທ່າແຮງທີ່ມີຫຼາຍພາສາຂອງ CRI ແລະບັນລຸການໂຄສະນາອອກສູ່ສາກົນບົນພື້ນຖານອິນເຕີເນັດ.
APP ຫຼາຍພາສາຂອງ CRI ທີ່ຊື່ ChinaNews ໄດ້ລວບລວມຂ່າວຫຼາຍພາສາຂອງ CRI ໄດ້ເປີດນຳໃຊ້ແລ້ວ ເຊິ່ງ APP ນີ້ຈະເນັ້ນບໍລິການກຸ່ມຄົນທີ່ໄດ້ພາສາຕ່າງປະເທດ ໂດຍມີຫຼາຍຮູບແບບໃນການນຳສະເໜີ ເຊັ່ນ ບົດ, ຮູບພາບ, ສຽງ ແລະການຖ່າຍທອດສົດເປັນຫຼາຍພາສາ ເພື່ອສົ່ງຂ່າວເດັ່ນທັງພາຍໃນແລະຕ່າງປະເທດ ລວມທັງການບັນຍາຍເຫດການເດັ່ນດ້ວຍສຽງຜູ້ຊ່ຽວຊານ ແລະນຳໃຊ້ "ຂ່າວເດັ່ນອັນດັບຕົ້ນໆ" ກະຈາຍສຽງຈາກຈີນສູ່ໂລກ. ທັງນີ້ APP ດັ່ງກ່າວເປັນປ່ອງຢ້ຽມສຳລັບຜູ້ຊົມໃຊ້ທົ່ວໂລກທີ່ສາມາດຕິດຕາມ ແລະຊອກຮູ້ສະພາບຂອງຈີນ ແລະກໍແມ່ນບ່ອນພັກທາງໃຈສຳລັບຄົນຈີນທີ່ອາໄສຢູ່ຕ່າງປະເທດ.
APP ວິທະຍຸຫຼາຍພາສາທີ່ຊື່ ChinaRadio ໄດ້ລວບລວມລາຍການວິທະຍຸຫຼາຍພາສາ ແລະຮູບການເຜີຍແຜ່ຫຼາຍສື່ຂອງ CRI ເຊິ່ງຈະເນັ້ນບໍລິການຜູ້ຟັງທັງພາຍໃນແລະຕ່າງປະເທດ, ສາມາດຟັງລາຍການສົດ, ລາຍການບັນທຶກ ແລະລາຍການທີ່ມີເອກະລັກພິເສດຕ່າງໆຂອງCRI ເຊັ່ນ: ຂ່າວ, ດົນຕີ, ຄວາມບັນເທີງ, ການຮຽນພາສາ ແລະອື່ນໆ.
APP ວິດີໂອຫຼາຍພາສາທີ່ຊື່ ChinaTV ໄດ້ລວບລວມລາຍການວິດີໂອຂອງ CRI ເຊິ່ງລວມທັງຊັບພະຍາກອນຂ່າວວິດີໂອຂອງສື່ຮ່ວມມື ແລະສື່ຝ່າຍທີສາມທັງພາຍໃນແລະຕ່າງປະເທດ, ຮັບໃຊ້ຜູ້ຊົມທົ່ວໂລກ, ມີລາຍການລາຍງານຂ່າວວິດີໂອເຫດການສາກົນຢູ່ຄາທີ່ທັນທີ ແລະການຖ່າຍທອດສົດກິດຈະກຳສື່ມວນຊົນຂະໜາດໃຫຍ່ຕ່າງໆ, ມີທັງວິດີໂອຫຼາຍພາສາ ແລະມີລາຍການຂ່າວຂອງສະຖານີໂທລະພາບ 300 ກວ່າແຫ່ງພາຍໃນປະເທດຈີນ, ຊ່ອງຖ່າຍທອດສົດ 140 ຊ່ອງ ແລະຊ່ອງໂທລະພາບ 3 ຊ່ອງຂອງ CRI; ທັງມີລາຍການຟີມສາລະຄະດີດີເດັ່ນທົ່ວໂລກ, ວິດີໂອຫຼາຍພາສາທີ່ CRI ຖ່າຍທຳເອງ, ລາຍການຮູບເງົາແລະລະຄອນໂທລະພາບທີ່ແປເປັນພາສາທົ່ວໄປ. ພະຍາຍາມສ້າງເປັນ APP ວິດີໂອທີ່ໂຄສະນາວັດທະນະທຳຈີນຕໍ່ຜູ້ຊົມໃຊ້ຕ່າງປະເທດ.
 |
