ໃນພິທີຖະແຫຼງຂ່າວທີ່ຈັດຂຶ້ນໃນວັນທີ 31 ມີນາຜ່ານມາ, ທ່ານ ລູ້ຄ່າງ ໂຄສົກກະຊວງການຕ່າງປະເທດຈີນໄດ້ກ່າວຢ້ຳວ່າ: ລັດຖະບານຈີນໄດ້ໃຫ້ຄວາມສຳຄັນຕໍ່ການຮ່ວມມືດ້ານເສດຖະກິດ-ການຄ້າກັບສ.ເກົາຫຼີ.
ຫຼັງສື່ມວນຊົນ ສ.ເກົາຫຼີ ລາຍງານວ່າ: ຫວ່າງມໍ່ໆມານີ້,ທ່ານ ກິມຈາງຊູ ເອກອັກຄະລັດຖະທູດ ສ.ເກົາຫຼີ ປະຈຳຈີນໄດ້ສົ່ງຈົດໝາຍທາງການຂໍຮ້ອງ ໃຫ້ຟື້ນຟູການດຳເນີນທຸລະກິດຂອງຮ້ານສັບພະສິນຄ້າ LOTTE ທີ່ເປັນວິສາຫະກິດ ສ.ເກົາຫຼີ ຢູ່ຈີນນັ້ນ,ທ່ານ ລູ້ຄ່າງ ໄດ້ຕອບຄຳຖາມນັກຂ່າວວ່າ: ລັດຖະບານຈີນໄດ້ໃຫ້ຄວາມສຳຄັນຕໍ່ການຮ່ວມມືດ້ານເສດຖະກິດ-ການຄ້າລະຫວ່າງຈີນ- ສ.ເກົາຫຼີ. ພວກຂ້າພະເຈົ້າຍິນດີຕ້ອນຮັບວິສາຫະກິດຕ່າງປະເທດລວມທັງວິສາຫະກິດຂອງ ສ.ເກົາຫຼີ ມາລົງທຶນແລະປະກອບທຸລະກິດຢູ່ຈີນ, ພວກເຮົາຈະປົກປ້ອງຜົນປະໂຫຍດທີ່ຊອບດ້ວຍກົດໝາຍຂອງວິສາຫະກິດຕ່າງປະເທດຢູ່ຈີນຕາມກົດໝາຍ, ແຕ່ມີເງື່ອນໄຂເບື້ອງຕົ້ນວ່າ ວິສາຫະກິດທີ່ກ່ຽວຂ້ອງຢູ່ຈີນຕ້ອງດຳເນີນທຸລະກິດຕາມກົດໝາຍແລະກົດລະບຽບຂອງຈີນເທົ່ານັ້ນ.