ວັນທີ 30 ມີນາຜ່ານມາ, ພິທີສະຫຼຸບຜົນສຳເລັດການສຶກສາຂອງນັກສຶກສາວິຊາພາສາຈີນຄັ້ງທຳອິດຂອງສະຖາບັນຂົງຈື້ມະຫາວິທະຍາໄລດາກາ ແລະ ພິທີເປີດສົກຮຽນໃໝ່ປີ 2017 ໄດ້ຈັດຂຶ້ນຢູ່ນະຄອນຫຼວງດາກາປະເທດບັງກລາເດັດ.
ຢູ່ສະຖາບັນຂົງຈື້ດັ່ງກ່າວມີນັກສຶກສາ 55 ຄົນໄດ້ຮັບໃບຢັ້ງຢືນຈົບພາສາຈີນ, ໃນນັ້ນນັກສຶກສາທີ່ມີຜົນການເສັງລະດັບພາສາຈີນ HSK ທີ 1 ມີ 33 ຄົນ, ທີສອງ 8 ຄົນ ແລະ ທີສາມ 5 ຄົນ, ສ່ວນຜູ້ທີ່ຜ່ານການຮຽນແລະເສັງຫຼັກສູດ "ບັນລະຍາຍພາສາຈີນແລະວັດທະນະນຳຈີນທົ່ວໄປ" ມີ 9 ຄົນ.
ເຈົ້າໜ້າທີ່ສະຖາບັນຂົງຈື້ດັ່ງກ່າວໃຫ້ຮູ້ວ່າ: ນັກສຶກສາທີ່ຈົບວິຊາພາສາຈີນເວັ້ນ,ສ່ວນໜຶ່ງຈະຮຽນພາສາຈີນຕໍ່ຢູ່ສະຖາບັນຂົງຈື້ມະຫາວິທະຍາໄລດາກາ, ຂະນະທີ່ບາງຄົນໄດ້ຂໍທຶນການສຶກສາຕໍ່ສະຖາບັນຂົງຈື້ແລະລັດຖະບານຈີນ ເພື່ອກຽມຮຽນຕໍ່ຢູ່ຈີນ ນອກນີ້ຍັງມີອີກສ່ວນໜຶ່ງໄດ້ຮັບການວ່າຈ້າງເຮັດວຽກຈາກບໍລິສັດຈີນ. ຫຼັງພິທີ, ສະຖາບັນຂົງຈື້ຂອງມະຫາວິທະຍາໄລດາກາກໍໄດ້ຮັບເອົານັກສຶກສາພາກຮຽນລະດູບານໃໝ່ປີ 2017.