ພິທີໄຂໂຄງການ "ວັດທະນະທຳຈີນກ້າວເຂົ້າສູ່ອາຊຽນ" ໄດ້ຈັດຂຶ້ນຢູ່ສູນວັດທະນະທຳຈີນໃນບາງກອກປະເທດໄທຢ່າງເປັນທາງການໃນວັນທີ 31 ມີນາຜ່ານມາ. ໂດຍທ່ານວິຊະນຸ ເຄືອງາມ ຮອງນາຍົກລັດຖະມົນຕີໄທ, ທ່ານຫຼິວເຈິິ້ນມິນ ຮອງລັດຖະມົນຕີກະຊວງການຕ່າງປະເທດຈີນແລະແຂກຮັບເຊີນໄດ້ເຂົ້າຮ່ວມພິທີດັ່ງກ່າວ.
ໂຄງການ "ວັດທະນະທຳຈີນກ້າວເຂົ້າສູ່ອາຊຽນ" ແມ່ນໂຄງການແລກປ່ຽນວັດທະນະທຳສາກົນທີ່ຖືເອົາປະເທດອາຊຽນເປັນເປົ້າໝາຍແລກປ່ຽນເປັນພິເສດ, ໂດຍຈຸດປະສົງກໍເພື່ອແລກປ່ຽນທັດສະນະຄະຕິດ້ານວັດທະນະທຳແລະການພັດທະນາຂອງສອງຝ່າຍ, ແລະຊຸກຍູ້ການສ້າງຄວາມເຂົ້າໃຈຂອງປະຊາຊົນໃຫ້ໜັກແໜ້ນກວ່າເກົ່າ.
ໂອກາດນີ້, ທ່ານຫຼິວເຈິ້ນມິນ, ຮອງລັດຖະມົນຕີກະຊວງການຕ່າງປະເທດຈີນກ່າວວ່າ, ຫວັງວ່າໂຄງການນີ້ຈະສາມາດລົງເລິກການແລກປ່ຽນສິລະປະວັດທະນະທຳລະຫວ່າງຈີນກັບໄທ, ທັງເປັນການເພີ່ມທະວີຄວາມເຂົ້າໃຈກັນແລະສົ່ງເສີມມິດຕະພາບທີ່ມີມູນເຊື້ອລະຫວ່າງປະຊາຊົນສອງປະເທດ, ແລະສາມາດຊຸກຍູ້ສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດໃຫ້ຂະຫຍາຍຕົວກ້າວໜ້າຢ່າງບໍ່ຢຸດຢັ້ງ.