ຕາມຂ່າວສານຊິນຮວາ: ອົງການກອງທຶນເງິນຕາສາກົນ ຫຼື IMF ໄດ້ເປີດເຜີຍຄັງສຳຮອງເງິນຢວນຈີນຂອງບັນດາປະເທດໃນໂລກເປັນຄັ້ງທຳອິດໃນວັນທີ 31 ມີນາຜ່ານມາ.
IMF ເລີ່ມໄດ້ເປີດເຜີຍຊັບສິນທີ່ເປັນເງິນຢວນຈີນໃນການກວດກາປະຈຳໄຕມາດກ່ຽວກັບຄັງສຳຮອງເງິນຕາຕ່າງປະເທດທາງການເມື່ອເດືອນຕຸລາປີຜ່ານມາ ເພື່ອສ່ອງແສງໃຫ້ເຫັນສະພາບຄັງສຳຮອງເງິນຢວນຈີນຂອງທົ່ວໂລກ.
ກ່ອນໜ້ານີ້ IMF ກໍໄດ້ເປີດເຜີຍວ່າ, ມາດຕະການດັ່ງກ່າວໄດ້ສ່ອງແສງໃຫ້ເຫັນເຖິງຄວາມພະຍາຍາມຂອງຈີນເພື່ອຊຸກຍູ້ໃຫ້ເງິນຢວນຫັນເປັນເງິນຕາສາກົນ ໂດຍຜ່ານການປະຕິຮູບການຕະຫຼາດ ເຊິ່ງຈະສາມາດປັບປຸງສະຖິຕິຄັງສຳຮອງເງິນຢວນຈີນໃຫ້ສົມບູນຂຶ້ນ ແລະອາດຈະສາມາດຊຸກຍູ້ໃຫ້ບັນດາປະເທດໃນໂລກເພີ່ມປະລິມານເງິນຢວນໃນຄັງສຳຮອງເງິນຕາຕ່າງປະເທດຂອງຕົນ.
ຈີນເລີ່ມສະໜອງຕົວເລກຕະກຸນເງິນຕ່າງໆໃນຄັງສຳຮອງປະຈຳໄຕມາດຂອງຕົນໃຫ້ IMF ແຕ່ເດືອນກັນຍາປີ 2015 ເຊິ່ງເປັນມາດຕະການສຳຄັນເພື່ອຍົກຄວາມໂປ່ງໃສດ້ານຕົວເລກຂອງທະນາຄານຈີນ.