ຕາມຂ່າວCRI: ອີງຕາມແຜນການ "ໂຄງການຫົງຢຸນ" ຂອງກຸ່ມບໍລິສັດວິສະວະກຳວິທະຍາສາດເຕັກໂນໂລຊີການບິນອະວະກາດຈີນ, ບໍລິສັດດັ່ງກ່າວຈະຍິງສົ່ງດາວທຽມ 156 ໜ່ວຍ ເຂົ້ສູ່ວົງໂຄຈອນທີ່ໄກຈາກໜ້າດິນ 1000 ກິໂລແມັດ ເພື່ອຈະສາມາດສ້າງເປັນລະບົບເຊື່ອມຕໍ່ອິນເຕີເນັດຄວາມຖີ່ກວ້າງທີ່ປົກຄຸມທົ່ວໂລກ.
ເຈົ້າໜ້າທີ່ປະຈຳໂຄງການດັ່ງກ່າວເປີດເຜີຍວ່າ, ນີ້ເປັນລະບົບເຊື່ອມຕໍ່ອິນເຕີເນັດຄວາມຖີ່ກວ້າງທີ່ໃຊ້ດາວທຽມນ້ອຍໂຄຈອນໃກ້ໜ່ວຍໂລກເປັນຄັ້ງທຳອິດ.
ທັງນີ້ "ໂຄງການຫົງຢຸນ"ຈະແບ່ງເປັນສາມບາດກ້າວ: ບາດກ້າວທຳອິດຈະຍິງສົ່ງດາວທຽມທົດລອງເຕັກນິກໜ່ວຍທຳອິດກ່ອນປີ 2018 ເພື່ອທົດສອບເຕັກນິກສຳຄັນໃນດາວທຽມໜ່ວຍດຽວ; ບາດກ້າວທີສອງຈະຍິງສົ່ງດາວທຽມທົດລອງກິດຈະການ 4 ໜ່ວຍໃນທ້າຍໄລຍະປະຕິບັດ "ແຜນການ 5 ປີຄັ້ງທີ 13" ຂອງຈີນ ແລະບາດກ້າວທີສາມຈະຍິງສົ່ງດາວທຽມ 156 ໜ່ວຍໃຫ້ສຳເລັດແລະສ້າງເປັນເຄືອຂ່າຍເລີ່ມບໍລິການ ໃນທ້າຍໄລຍະປະຕິບັດ "ແຜນການ 5 ປີຄັ້ງທີ14" ຂອງຈີນ.