ໃນຖານະເປັນ 2 ກຸ່ມເສດຖະກິດໃຫຍ່ທີ່ສຸດໃນໂລກ, ການຂະຫຍາຍຕົວຂອງການພົວພັນເສດຖະກິດການຄ້າລະຫວ່າງຈີນກັບອາເມລິກາໄດ້ຮັບຄວາມສົນໃຈ ສູງເປັນເວລາດົນນານມານີ້.
ເມື່ອໄດ້ພັດທະນາມາເປັນເວລາ 45 ປີແລ້ວ, ການພົວພັນເສດຖະກິດການຄ້າຈີນອາເມລິກາໄດ້ເປັນສະພາບທີ່ອາໄສກັນໃນລະດັບສູງ. ໃນປີ 2016 , ມູນຄ່າການຄ້າລະຫວ່າງສອງປະເທດໄດ້ສູງເຖິງ 519 ຕື້ 600 ລ້ານໂດລາ. ປັດຈຸບັນ, ຈີນໄດ້ກາຍເປັນຄູ່ການຄ້າໃຫຍ່ທີ່ສຸດຂອງອາເມລິກາແລະອາເມລິກາແມ່ນຄູ່ການຄ້າໃຫຍ່ທີ 2 ຂອງຈີນ. ນັກວິເຄາະຊີ້ໃຫ້ເຫັນວ່າ, ຖ້າການພົວພົວພັນການຄ້າລະຫວ່າງຈີນອາເມລິກາຮັກສາທ່ວງທ່າທີ່ຂະຫຍາຍຕົວຢ່າງຕັ້ງໜ້າ, ສອງປະເທດຈະກາຍເປັນຄູ່ການຄ້າໃຫຍ່ທີ່ສຸດເຊິ່ງກັນແລະກັນໃນອະນາຄົດທີ່ບໍ່ດົນ.
ທ່ານຊີເຊີນ ປະທານສະມາຄົນການຄ້າໃຫຍ່ຈີນຂອງອາເມລິກາ, ຜູ່ອຳນວຍການໃຫຍ່ຂອງທະນາຄານຈີນສາຂາອາເມລິກາກ່າວວ່າ, ການເລືອກຂອງຕະຫຼາດເຮັດໃຫ້ການພົວພັນເສດຖະກິດການຄ້າສອງປະເທດຊ່ວຍຊູຍູ້ໝູນກັນແລະອາໄສກັນໃນລະດັບສູງ. ທ່ານກ່າວເນັ້ນວ່າ, ການພົວພັນເສດຖະກິດການຄ້າຈີນອາເມລິກາຂະຫຍາຍຕົວຢ່າງປອດໃສແລະໝັ້ນທ່ຽງໃນໄລຍະຍາວນານນັ້ນ, ບໍ່ພຽງແຕ່ສອດຄ່ອງກັບຜົນປະໂຫຍດຂອງປະຊາຊົນສອງປະເທດເທົ່ານັ້ນ, ຍັງມີຄວາມໝາຍສຳຄັນຕໍ່ການຟື້ນຟູຂອງເສດຖະກິດໂລກແລະການພັດທະນາໂດຍສັນຕິຂອງທົ່ວໂລກ.