ຫວ່າງມໍ່ໆນີ້, ສູນກາງພັກກອມມູນິດຈີນ ແລະ ລັດຖະບານຈີນໄດ້ອອກປະກາດແຈ້ງການ,ຕົກລົງສ້າງຕັ້ງເຂດໃໝ່ຊົງອ່ານ ແຂວງເຮີເປ.
ຕາມແຜນການ, ເຂດໃໝ່ຊົງອ່ານລວມທັງ 3 ເມືອງ ຄື,ເມືອງຊົງຊ້ຽນ, ເມືອງຣົງເຊີງ ແລະ ເມືອງອ່ານຊີ່ນ ພ້ອມດ້ວຍເຂດສ່ວນໜຶ່ງທີ່ຢູ່ອ້ອມຂ້າງ, ຕັ້ງຢູ່ເຂດສຳຄັນລະຫວ່າງນະຄອນຫຼວງປັກກິ່ງ, ນະຄອນທ່ຽນສິນ ແລະ ເມືອງປາວຕີ້ງ, ມີທ່າແຮງພົ້ນເດັ່ນດ້ານພູມີພາກ, ຄົມມະນາຄົມສະດວກຫຼາຍ, ສິ່ງແວດລ້ອມທຳມະຊາດດີງາມ, ມີຄວາມສາມາດການບັນຈຸຢ່າງແຂງແຮງດ້ານຊັບພະຍາກອນ ແລະ ສິ່ງແວດລ້ອມ, ປັດຈຸບັນຍັງບໍ່ທັນໄດ້ພັດທະນາເທື່ອ, ຈຶ່ງມີຊ່ອງຫວ່າງການພັດທະນາອັນກວ້າງຂວາງ, ມີເງື່ອນໄຂກໍ່ສ້າງທີ່ມີຈຸດເລິ່ມຕົ້ນສູງ ແລະ ມາດຖານສູງ. ເນື້ອທີ່ກໍ່ສ້າງຂອງເຂດໃໝ່ຊົງອ່ານໃນໄລຍະຕົ້ນຈະມີປະມານ 100 ກິໂລຕາແມັດ, ໄລຍະກາງຈະມີປະມານ 200 ກິໂລຕາແມັດ ແລະ ໄລຍະໄກປະມານ 2 ພັນກິໂລຕາແມັດ.
ການກໍ່ສ້າງເຂດໃໝ່ຊົງອ່ານແມ່ນການຕົກລົງນະໂຍບາຍອັນສຳຄັນຂອງສູນກາງພັກກອມມູນນິດຈີນ ໂດຍແມ່ນທ່ານເລຂາທິມການໃຫຍ່ສີຈີ້ນຜີງເປັນແກນກາງ, ເພື່ອຊຸກຍູ້ນະຄອນຫຼວງປັກກິ່ງ, ນະຄອນທ່ຽນສິນ ແລະ ແຂວງເຮີເປໃຫ້ພັດທະນາຢ່າງປະສານກົມກຽວກັນ.
ທ່ານສີຈີ້ນຜີງຊີ້ອອກວ່າ, ການກໍ່ສ້າງເຂດໃໝ່ຊົງອ່ານມີໜ້າທີ່ສຳຄັນ 7 ດ້ານ, ຄື, ໜຶ່ງ, ກໍ່ສ້າງເມືອງໃໝ່ສະມາດສີຂຽວ, ສ້າງເປັນຕົວເມືອງສາກົນທີ່ລະດັບໜຶ່ງ, ສີຂຽວ, ທັນສະໄໝ ແລະ ສະມາດ. ສອງ, ສ້າງສິ່ງແວດລ້ອມທຳມະຊາດທີ່ສວຍງາມ, ສ້າງຕົວເມືອງຊີວະພາບທີ່ອາກາດສົດໃສ ແລະ ນຳໃສສະອາດ, ນ້ຳກັບເມືອງເຊື່ອມໂຍງເຂົ້າກັນ. ສາມ, ພັດທະນາອຸດສາຫະກຳໄຮເຕັກແລະລະດັບສູງ, ຕັ້ງໜ້າດຶງດູດ ແລະ ເຕົ້າໂຮມຊັບພະຍາກອນແບບປະດິດສ້າງ, ບຳລຸງສ້າງພະລັງພັດທະນາໃໝ່. ສີ່ແມ່ນ, ໃຫ້ການບໍລິການສາທາລະນະທີ່ມີຄຸນນະພາບດີ, ສ້າງສາທາລະນູປະໂພກທີ່ມີຄຸນນະພາບດີ, ສ້າງແບບຢ່າງໃໝ່ຂອງການຄຸ້ມຄອງຕົວເມືອງ. ຫ້າ, ສ້າງເຄືອຂ່າຍຄົມມະນາຄົມທັງໄວທັງສະດວກ, ສ້າງລະບົບຄົມມະນາຄົມສີຂຽວ. ຫົກ, ຊຸກຍູ້ການປະຕິຮູບໂຄງປະກອບ ແລະ ກົນໄກ, ເສີມຂະຫຍາຍບົດບາດລັກສະນະຕັດສິນຂອງຕະຫຼາດໃນການຈັດສັນຊັບພະຍາກອນ ແລະ ເສີມຂະຫຍາຍບົດບາດຂອງອົງການປົກຄອງໃຫ້ດີກວ່າເກົ່າ, ປຸກລະດົມພະລັງຊີວິດຂອງຕະຫຼາດ. ອັນສຸດທ້າຍ, ເປີດກວ້າງການເປີດປະຕູສູ່ພາຍນອກຢ່າງຮອບດ້ານ, ສ້າງເວທີໃໝ່ທີ່ຂະຫຍາຍການເປີດປະຕູສູ່ພາຍນອກ ແລະ ດຳເນີນການຮ່ວມມືກັບຕ່າງປະເທດ.