ໂດຍແນໃສ່ອາເມລິກາປະກາດຄຳສັ່ງປະນານາທິບໍດີ 2 ຂໍ້ກ່ຽວກັບການຄ້າ, ວັນທີ 1 ເມສານີ້, ໂຄສົກກະຊວງການຄ້າຈີນຊີ້ໃຫ້ເຫັນວ່າ, ການຄ້າລະຫວ່າງຈີນ ກັບ ອາເມລິກາແມ່ນແບບທ່າແຮງຊ່ອຍຊູຍູ້ຫນູນກັນ ແລະ ຮ່ວມມືຕ່າງຝ່າຍຕ່າງໄດ້ຮັບຜົນປະໂຫຍດ, ມາດຕະການປະຕິບັດກົດໝາຍດ້ານການຄ້າຂອງອາເມລິກາ ຄວນອີງຕາມກົດເກນສາກົນທີ່ຮັບຮູ້ໂດຍທົ່ວໄປ.
ໂຄສົກກະຊວງການຄ້າຈີນກ່າວວ່າ, ກ່ຽວກັບບັນຫາຂາດດຸນໃນການຄ້າລະວ່າງຈີນ ກັບ ອາເມລິກາ, ສອງຝ່າຍໄດ້ຫາລືກັນຫຼາຍປີມາແລ້ວ ແລະ ລ້ວນແຕ່ຮູ້ແຈ້ງ ສະພາບຕົວຈິງ, ສາເຫດ ແລະ ຜົນສະທ້ອນທີ່ອາດເກີດຂຶ້ນ, ສອງຝ່າຍກໍ່ຮູ້ດີ. ແນວໃດກໍ່ດີ, ຈີນຍິນດີເພິ່ມທະວີການເຈລະຈາ ແລະ ການຮ່ວມມື, ແກ້ໄຂຂໍ້ຂັດແຍ້ງຢ່າງເໝາະສົມ ບົນພື້ນຖານທີ່ສະເໝີພາບ ຮ່ວມມືກັນ ແລະ ຕ່າງຝ່າຍຕ່າງມີຜົນປະໂຫຍດ.