ວັນທີ 2 ເມສານີ້, ທ່ານຢາງເຈຍຊື ທີ່ເປິກສາແຫ່ງລັດຈີນໄດ້ລົມກັບທ່ານເຣກສ໌ ຕີເລີຊັນ ລັດຖະມົນຕີກະຊວງການຕ່າງປະເທດອາເມລິກາຜ່ານທາງໂທລະສັບ.
ທ່ານຢາງເຈຍຊືກ່າວວ່າ, ທ່ານສີຈີ້ນຜິງ ປະທານປະເທດຈີນຈະພົບປະທ່ານໂດນັນ ທຣຳ ປະທານນາທິບໍດີອາເມລິກາຢູ່ ລັດໂຟຼຣີດາຂອງອາເມລິກາ. ນີ້ແມ່ນເລື່ອງໃຫຍ່ທີ່ສຸດໃນການພົວພັນລະຫວ່າງສອງປະເທດໃນປັດຈຸບັນ, ເຊິ່ງມີຄວາມໝາຍອັນສຳຄັນຕໍ່ການຂະຫຍາຍການພົວພັນຈີນອາເມລິກາໃນຍຸກໃໝ່ການະຊຸກຍູ້ສັນຕິພາບສະຖຽນລະພາບແລະຄວາມຈະເລີນຮຸ່ງເຮື່ອງຂອງເຂດອາຊີປາຊີຟິກກໍ່ຄືທົ່ວໂລກ. ຫວັງວ່າສອງຝ່າຍຈະສືບຕໍ່ພະຍາຍາມຮ່ວມກັນ, ເພື່ອຮັບປະກັນການພົບປະລະຫວ່າງປະມຸກລັດສອງປະເທດໃຫ້ປະສົບຜົນສຳເລັດ .
ທ່ານຕີເລີຊັນກ່າວວ່າ, ທ່ານປະທານາທິບໍດີທຣຳມຸ່ງຫວັງຕ້ອນຮັບທ່ານປະທານສີຈີ້ນຜິງຢູ່ສວນມາອາລາໂກ. ການພົບປະລະຫວ່າງປະມຸກລັດສອງປະເທດທີ່ໃກ້ຈະຈັດຂຶ້ນມີຄວາມສຳຄັນທີ່ສຸດຕໍ່ການຂະຫຍາຍຕົວການພົວພັນອາເມລິກາຈີນໃນອະນາຄົດ. ປະເທດຕົນຈະສຸດກຳລັງເຮັດວຽກກະກຽມໃຫ້ດີ, ແລະຍິນດີພ້ອມກັບຝ່າຍຈີນຮັບປະກັນການພົບປະໃຫ້ປະສົບຜົນສຳເລັດອັນສຳຄັນແລະຕັ້ງໜ້າ.