ທ່ານສີຈີ້ນຜີງ ປະທານປະເທດຈີນຈະເລິ່ມຢ້ຽມຢາມແຟງລັງທາງລັດຖະກິດໃນວັນທີ 4 ເມສານີ້, ບຸກຄົນວົງການຕ່າງໆແຟງລັງຄອງຄອຍການຢ້ຽມຢາມເທື່ອນີ້ໃນລະດັບສູງ ແລະ ຫວັງວ່າ, ການຢ້ຽມຢາມຂອງທ່ານສີຈີ້ນຜີງເທື່ອນີ້ຈະກາຍເປັນໂອກາດໃໝ່ທີ່ຊຸກຍູ້ການພົວພັນສອງປະເທດໃຫ້ຂະຫຍາຍຕົວຕື່ມອີກ. ກ່ອນໄປຢ້ຽມຢາມ, CRI ໄດ້ສົ່ງນັກຂ່າວໄປແຮນຊິງກີເພື່ອສຳພາດທ່ານມາໂກ ແວນສ໌ກາ ຮອງຫົວໜ້າອົງການການຄ້າ, ການລົງທຶນ ແລະ ການທ່ອງທ່ຽວຂອງແຟນລັງ. ເຈົ້າໜ້າທີ່ເສດຖະກິດການຄ້າຜູ້ອາວຸໂສຜູ້ນີ້ກ່າວວ່າ, ຕະຫຼາດຈີນແມ່ນໂອກາດອັນໃຫຍ່ຫຼວງສຳລັບບໍລິສັດແຟງລັງ, ແຟງລັງຄອງຄອຍລົງເລິກການຮ່ວມມືກັບຈີນ.
ທ່ານມາໂກກ່າວວ່າ, ແຟນລັງຢູ່ມີການຮ່ວມມືກັບຈີນຫຼາຍຕະຫຼອດມາ, ບໍລິສັດແຟງລັງກຳລັງເຂົ້າສູ່ຈີນ, ຈຳນວນບໍລິສັດກໍ່ເພິ່ມຂຶ້ນຢ່າງບໍ່ຢຸດຢັ້ງ. ຄົນທັງຫຼາຍອາດຈະຍັງຈື່ NOKIA, ໃນໄລຍະດົນນານມານີ້, NOKIA ກໍ່ແມ່ນຜູ້ປະກອບສ່ວນອັນສຳຄັນໃນການຮ່ວມມືເສດຖະກິດການຄ້າແຟງລັງ ກັບ ຈີນ, ກໍ່ແມ່ນຜູ້ປະກອບສ່ວນອັນສຳຄັນທີ່ດຳເນີນການປະດິດສ້າງດ້ານເຕັກນິກ. ທ່ານເຫັນວ່າ, ທ່າແຮງໃຫຍ່ທີ່ສຸດຂອງແຟນລັງກໍ່ແມ່ນຄວາມສາມາດການປະດິດສ້າງ. ໃນຫຼາຍປີມໍ່ໆມານີ້, ບໍລິສັດຕ່າງໆຂອງຈີນ ເຊັ່ນ, HUAWEI ເປັນຕົ້ນໄດ້ເຂົ້າສູ່ແຟງລັງນັ້ນກໍ່ຍ້ອນວ່າເບິ່ງໃນແງ່ດີຕໍ່ສະພາບແວດລ້ອມການປະດິດສ້າງອັນດີງາມຂອງແຟນລັງ.
ທ່ານມາໂກສະເໜີໃຫ້ບໍລິສັດ ແລະ ວິສາຫະກິດຈີນເອົາໃຈໃສ່ຕໍ່ເຕັກນິກແບບປະດິດສ້າງຂອງແຟງລັງ ເຊິ່ງລວມທັງ, ລົດພະລັງແບບເຕີຣີ, ເຕັກນິກຊີວະພາບ ແລະ ສຸຂະພາບ ພ້ອມທັງເຕັກນິກພະລັງງານເປັນຕົ້ນ.
ທ່ານມາໂກເຫັນວ່າ, ຄວາມສາມາດການປະດິດສ້າງຂອງແຟນລັງຕົ້ນຕໍມາຈາການສຶກສາຂອງແຟງລັງ, ຄື, ບໍ່ເນັ້ນການສອນຄວາມຮ້ຈຳນວນຫຼາຍູ, ຫາກ ເນັ້ນການຮຽນນຳໃຊ້ຄວາມຮູ້, ອົບຮົມຄວາມສາມາດໃນການແກ້ໄຂບັນຫາຂອງນັກຮຽນ. ສະນັ້ນ, ທ່ານສະເໜີໃຫ້ຈີນ ກັບ ແຟງລັງຫາລືເພິ່ມທະວີການຮ່ວມມືໃນຂົງເຂດການສຶກສາ. ນອກຈາກນັ້ນ, ການທ່ອງທ່ຽວກໍ່ແມ່ນຂົງເຂດສຳຄັນທີ່ສອງຝ່າຍດຳເນີນການຮ່ວມມືກັນ.
