ເວລາປະມານ 14 ໂມງ 40 ນາທີ ວັນທີ 3 ເມສານີ້ ຕາມເວລາທ້ອງຖິ່ນ, ລົດໄຟໃຕ້ດິນແຊງເປເຕີສະບວກຣັດເຊຍໄດ້ເກີດເຫດການລະເປີດ. ອີງຕາມຕົວເລກຫຼ້າສຸດຂອງຄະນະກຳມະການຕ້ານການກໍ່ການຮ້າຍແຫ່ງຊາດຣັດເຊຍ,ເຫດການລະເບີດຄັ້ງນີ້ໄດ້ເຮັດໃຫ້ 11 ຄົນເສຍຊີວິດ, 45 ຄົນບາດເຈັບ. ອົງການໄອຍະການສູງສຸດແຫ່ງຣັດເຊຍໄດ້ຢືນຢັນເຫດການເທື່ອນີ້ແມ່ນເຫດການໂຈມຕີແບບກໍ່ການຮ້າຍ. ມື້ດຽວກັນ, ທ່ານອັນໂຕນີໂອ ກູເຕີເຣສ ເລຂາທິການໃຫຍ່ສະຫະປະຊາຊາດ ແລະ ສະພາຄວາມໝັ້ນຄົງສະຫະປະຊາຊາດລ້ວນແຕ່ໄດ້ອອກຖະແຫຼງການ, ກ່າວປະນາມຕໍ່ເຫດການດັ່ງກ່າວ.
ນອກນີ້,ຂ່າວແຈ້ງວ່າ, ຕອນຄ່ຳວັນທີ 3 ເມສານີ້, ບໍລິສັດລົດໄຟໃຕ້ດິນແຊງເປເຕີສະບວກແຫ່ງຣັດເຊຍແຈ້ງໃຫ້ຮູ້ວ່າ, ນອກຈາກ "ສະຖານີສະໜາມຫຼວງຫຍ້າແຫ້ງ" ແລະ "ສະຖານີສະຖາບັນເຕັກໂນໂລຢີ" ທີ່ໄດ້ເກີດການລະເບີດນັ້ນ, ລົດໄຟໃຕ້ດິນເມືອງຕົນໄດ້ຟື້ນຟູການບໍລິການເປັນປົກກະຕິໂດຍພື້ນຖານ.