ວັນທີ 3 ເມສານີ້, ທ່ານຟູມີໂອ ກີຊິດາ ລັດຖະມົນຕີກະຊວງການຕ່າງປະເທດຍີ່ປຸ່ນກ່າວວ່າ, ທ່ານຢາຊຸມາຊາ ນາກາມີເນ ເອກອັກຄະລັດຖະທູດຍີ່ປຸ່ນປະຈຳສ.ເກົາຫຼີ ແລະ ທ່ານຢາຊູຮີໂຣ ໂມຣິໂມໂຕ ກົງສຸນໃຫຍ່ຍີ່ປຸ່ນປະຈຳເມືອງປູຊານທີ່ຖືກຮຽກຄືນໃນເດືອນມັງກອນຜ່ານມານັ້ນຈະກັບຄືນສ.ເກົາຫຼີໃນວັນທີ 4 ເມສານີ້.
ໃນກອງປະຊຸມຂ່າວທີ່ຈັດຂຶ້ນໃນຕອນເຊົ້າມື້ດຽວກັນ, ທ່ານຟູມີໂອ ກີຊິດາກ່າວວ່າ, ສ.ເກົາຫຼີຈະຈັດການເລືອກຕັ້ງໃນເດືອນພຶດສະພາ, ລັດຖະບານຍີ່ປຸ່ນຕ້ອງການກຽມພ້ອມຕໍ່ການປ່ຽນອຳນາດຂອງສ.ເກົາຫຼີ. ທ່ານຍັງກ່າວວ່າ, ໂດຍຜະເຊີນໜ້າບັນຫານີວເຄຼຍສປປເກົາຫຼີກໍ່ຕ້ອງການເຈົ້າໜ້າທີ່ຊັ້ນສູງຍີ່ປຸ່ນ ກັບ ສ.ເກົາຫຼີຮ່ວມມືກັນຢ່າງໃກ້ຊິດ.
ຂ່າວສານກຽວໂດຂອງຍີ່ປຸ່ນລາຍງານວ່າ, ວັນທີ 28 ທັນວາຜ່ານມາ, ຄະນະກຳມະການຊຸກຍູ້ຮູບສາວ ເຊິ່ງເປັນອົງການຈັດຕັ້ງປະຊາຊົນສ.ເກົາຫຼີໄດ້ຕັ້ງຮູບສາວ "ນາງບຳເລີ"ຢູ່ໜ້າປະຕູສະຖານກົງສຸນໃຫຍ່ຍີ່ປຸ່ນປະຈຳປູຊານ. ເພື່ອແກ້ແຄ້ນ, ລັດຖະບານຍີ່ປຸ່ນໄດ້ຮຽກຄືນເອກອັກຄະລັດທູດປະຈຳສ.ເກົາຫຼີ ແລະ ກົງສຸນໃຫຍ່ປະຈຳເມືອງປູຊານເປັນການຊົ່ວຄາວໃນວັນທີ 9 ມັງກອນຜ່ານມາ.
