ພິທີກໍ່ສ້າງສະໜາມກິລາແຫ່ງຊາດກຳປູເຈຍທີ່ຈີນຊ່ວຍສ້າງໄດ້ຈັດຂຶ້ນໃນວັນທີ 4 ເມສານີ້ ໂດຍທ່ານຮຸນແຊນ ນາຍົກລັດຖະມົນຕີກຳປູເຈຍ ແລະ ທ່ານສົງໂປ ເອກອັກຄະລັດຖະທູດຈີນປະຈຳກຳປູເຈຍ ເຂົ້າຮ່ວມ.
ທ່ານຮຸນແຊນ ນາຍົກລັດຖະມົນຕີກຳປູເຈຍ ໄດ້ກ່າວສະແດງຄວາມຂອບໃຈຈີນທີ່ຊ່ວຍເຫຼືອລ້າກໍ່ສ້າງໂຄງການສະໜາມກິລາແຫ່ງຊາດໃຫ້ແກ່ປະເທດຕົນ, ຂະນະທີ່ໂຄງການດັ່ງກ່າວຈະຊຸກຍູ້ວົງການກິລາ, ວັດທະນະທຳ ແລະ ການສຶກສາຂອງປະເທດຕົນໄດ້ຮັບການພັດທະນາກ້າວໜ້າຕື່ມອີກ.
ສະໜາມກິລາແຫ່ງຊາດກຳປູເຈຍທີ່ຈີນຊ່ວຍສ້າງຕັ້ງຢູ່ຊານເມືອງພາກຕາເວັນອອກສຽງເໜືອນະຄອນຫຼວງພະນົມເປັນ ຫ່າງຈາກໃຈກາງເມືອງປະມານ 15 ກິໂລແມັດ, ເປັນສະໜາມກິລາຫຼັກຂອງປະເທດດັ່ງກ່າວ ໂດຍກວມເອົາເນື້ອທີ່ກໍ່ສ້າງປະມານ 82.400 ຕາແມັດ ແລະ ສາມາດບັນຈຸຜູ້ຊົມໄດ້ປະມານ 60.000 ຄົນ. ຫຼັງສຳເລັດການກໍ່ສ້າງ, ຈະສາມາດຕອບສະໜອງຕາມຄວາມຕ້ອງການໃນການຈັດການແຂ່ງຂັນກິລາຂ້າມທະວີບ, ການແຂ່ງຂັນກິລາບານເຕະສາກົນຂະໜາດໃຫຍ່ ແລະອື່ນໆ.
