ທ່ານເອີເນັສໂຕ ອາເບລາ ໂຄສົກປະທານາທິບໍດີຟິລິບປິນ ໄດ້ຖະແຫຼງໃນວັນທີ 4 ເມສານີ້ວ່າ: ທ່ານໂຣດຣີໂກ ດູເຕີເຕ ປະທານາທິບໍດີ ໄດ້ປົດທ່ານ ອິສເມນ ຊູເອໂນ ອອກຈາກຕຳແໜ່ງລັດຖະມົນຕີກະຊວງພາຍໃນແລະອຳນາດການປົກຄອງທ້ອງຖິ່ນ ຫຼັງຂາດຄວາມເຊື່ອໃຈທ່ານ. ທັງນີ້ ທ່ານດູເຕີເຕ ໄດ້ປະກາດຂໍ້ຕົກລົງດັ່ງກ່າວໃນກອງປະຊຸມຄະລະລັດຖະບານໃນຕອນຄ່ຳວັນທີ 3 ເມສານີ້. ຂະນະທີ່ການຕົກລົງປົດຕຳແໜ່ງດັ່ງກ່າວໄດ້ກາຍເປັນຄຳເຕືອນ ຄື ທ່ານປະທານາທີບໍດີດູເຕີເຕ ຈະບໍ່ສະໜັບສະໜູນສະມາຊິກຄະນະລັດຖະບານໃດໆ ທີ່ຕົກລົງແລ້ວເກີດບັນຫາ ຫຼື ຂັດກົດໝາຍ.
ທ່ານຊູເອໂນ ດຳລົງຕຳແໜ່ງລັດຖະມົນຕີກະຊວງພາຍໃນແລະອຳນາດການປົກຄອງທ້ອງຖິ່ນ ເມື່ອເດືອນມິຖຸນາປີຜ່ານມາ ແລະ ຫວ່າງບໍ່ດົນມານີ້, ທ່ານໄດ້ຖືກກ່າວຫາສວຍໃຊ້ອຳນາດໃນທາງບໍ່ຖືກຕ້ອງ ແລະ ສໍ້ລາດບັງຫຼວງ, ຂະນະທີ່ເຫຼນຂອງທ່ານຍັງຖືກສົງໄສຫຼິ້ນພະນັນຜິດກົດໝາຍຕື່ມອີກ.