ວັນທີ 4 ເມສານີ້, ທ່ານ ຂົງສຽນເຢ້ວ ຜູ້ຊ່ວຍລັດຖະມົນຕີກະຊວງການຕ່າງປະເທດຈີນ ແລະ ທ່ານ ຕາເກໂອ ອາກີບາ ເຈົ້າໜ້າທີ່ຮັບຜິດຊອບພິຈາລະນາວຽກງານການຕ່າງປະເທດຂອງກະຊວງການຕ່າງປະເທດຍີ່ປຸ່ນໄດ້ປຶກສາຫາລືກັນຢູ່ນະຄອນຫຼວງປັກກິ່ງ.
ທ່ານ ຂົງສຽນເຢ້ວ ກ່າວວ່າ: ສາຍພົວພັນລະຫວ່າງຈີນ-ຍີ່ປຸ່ນພວມຢູ່ໃນໄລຍະປະຫວັດສາດທີ່ສຳຄັນໃນໂອກາດວັນຄົບຮອບ 45 ປີແຫ່ງສາຍພົວພັນການທູດຫັນເປັນປົກກະຕິ, ສອງຝ່າຍຄວນຈັດຕັ້ງປະຕິບັດຄວາມເປັນເອກະພາບລະຫວ່າງຜູ້ນຳຂອງສອງປະເທດໃຫ້ດີ ໂດຍສຸມໃສ່ປົກປັກຮັກສາພື້ນຖານຂອງສາຍພົວພັນລະຫວ່າງສອງປະເທດຢ່າງແທ້ຈິງ ແລະພ້ອມກັນຊຸກຍູ້ສາຍພົວພັນລະຫວ່າງສອງຝ່າຍໃຫ້ໄດ້ຮັບການປັບປຸງດີຂຶ້ນໄປຕາມທິດທາງທີ່ຖືກຕ້ອງຢ່າງຕໍ່ເນື່ອງ. ແນວໃດກໍດີຫວັງວ່າຍີ່ປຸ່ນຈະເຄົາລົບແລະປະຕິບັດຕາມຄຳໝັ້ນສັນຍາຂອງຕົນໃນບັນຫາທີ່ອ່ອນໄຫວ,ສຳຄັນແລະໃຫຍ່ຫຼວງຕ່າງໆ, ປະພຶດຢ່າງສຸຂຸມຮອບຄອບ,ພະຍາຍາມເພື່ອປັບປຸງສາຍພົວພັນລະຫວ່າງສອງປະເທດໃຫ້ດີຂຶ້ນ.
ທ່ານ ຕາເກໂອ ອາກີບາ ກ່າວຕື່ມວ່າ: ຍີ່ປຸ່ນໃຫ້ຄວາມສຳຄັນຕໍ່ສາຍພົວພັນລະຫວ່າງຈີນ-ຍີ່ປຸ່ນ ໂດຍຖືເອົາສາຍພົວພັນລະຫວ່າງສອງປະເທດຫັນເປັນປົກກະຕິຄົບຮອບ 45 ປີ ແລະຖືເອົາການລົງນາມໃນ "ສັນຍາວ່າດ້ວຍສັນຕິພາບແລະມິດຕະພາບຍີ່ປຸ່ນ-ຈີນ" ຄົບຮອບ 40 ປີເປັນກາລະໂອກາດ, ແກ້ໄຂແລະຄວບຄຸມຄວາມຂັດແຍ້ງກັນຢ່າງເໝາະສົມ, ເພີ່ມທະວີການສົນທະນາແລະການແລກປ່ຽນ,ເປີດກວ້າງດ້ານຕັ້ງໜ້າຂອງສາຍພົວພັນລະຫວ່າງສອງປະເທດ,ຊຸກຍູ້ສາຍພົວພັນລະຫວ່າງສອງຝ່າຍໃຫ້ໄດ້ຮັບການປັບປຸງດີຂຶ້ນຕື່ມອີກ.
 |
