ວັນທີ 4 ເມສານີ້ ຢູ່ນະຄອນຫຼວງກົວລາລຳເປີປະເທດມາເລເຊຍ, ສະພາການຄ້າຈີນຢູ່ມາເລເຊຍໄດ້ເຜີຍແຜ່ບົດລາຍງານເສດຖະກິດໄຕມາດທຳອິດປີ 2017 ໂດຍຊີ້ໃຫ້ເຫັນວ່າ: ຈາກການກະຕຸ້ນຄວາມຕ້ອງການພາຍໃນຢ່າງກວ້າງຂວາງແລະຕໍ່ເນື່ອງລວມທັງການສົ່ງອອກຂອງມາເລເຊຍແລ້ວຈຶ່ງຄາດວ່າເສດຖະກິດມາເລເຊຍໃນປີນີ້ຈະສົດໃສດີ.
ແນວໃດກໍດີ,ບົດລາຍງານດັ່ງກ່າວຍັງລະບຸວ່າ: ລັດຖະບານມາເລເຊຍຄວນສົ່ງເສີມນິຕິບຸກຄົນໃຫ້ເຂົ້າຮ່ວມລົງທຶນຢ່າງຕັ້ງໜ້າ,ຂະນະດຽວກັນກໍຕ້ອງເພີ່ມທະວີການກໍ່ສ້າງພື້ນຖານໂຄງລ່າງ ເພື່ອຊຸກຍູ້ເສດຖະກິດຂອງປະເທດຕົນໄດ້ຮັບການພັດທະນາຢ່າງຮອບດ້ານ. ນອກນີ້ບົດລາຍງານຍັງຄາດຄະເນວ່າ: ເນື່ອງຈາກລາຄາວັດຖຸດິບຕ່າງໆສູງຂຶ້ນ, ອັດຕາໄພເງິນເຟີ້ຂອງມາເລເຊຍໝົດປີຄາດວ່າຈະຢູ່ໃນລະດັບ 3-4%.
 |
