ລົດ​ໄຟ​ຄວາມ​ໄວ​ສູງ​ຈາ​ກາ​ຕາ-ບັນລຸ​ງ​ກ້າວ​ເຂົ້າ​ສູ່​​ໄລຍະ​ປະຕິບັດ​ຕົວ​ຈິງ​ຢ່າງຮອບດ້ານ
2017-04-05 10:25:20  cri 
ຕາມ​ຂ່າວສານ​ຊິນ​ຮວາ: ສັນຍາ​ຮັບ​ເໝົາ​ກໍ່ສ້າງ​ລວມ ຫຼື EPC ສຳລັບ​ລົດ​ໄຟ​ຄວາມ​ໄວ​ສູງ​ຈາ​ກາ​ຕາ-ບັນລຸ​ງທີ່​ເປັນ​ການ​ຮ່ວມ​ມື​ລະຫວ່າງວິ​ສາ​ຫະກິດ​ຈີນ​ແລະ​ອິນ​ໂດ​ເນ​ເຊຍ​ນັ້ນໄດ້​ຈັດ​ພິທີ​ລົງ​ນາມ​ຢູ່​ຈາ​ກາ​ຕາ​ໃນ​ວັນ​ທີ 4 ​ເມສາ​ນີ້ ​ເຊິ່ງ​ເປັນ​ຂີດ​ໝາຍ​ສະ​ແດງ​ໃຫ້​ເຫັນ​ວ່າ ລົດ​ໄຟ​ຄວາມ​ໄວ​ສູງ​ຈາ​ກາ​ຕາ-ບັນລຸງ ທີ່​ເປັນ​ຜົນງານສຳຄັນ​ໃນ​ໄລຍະ​ຕົ້ນ​ຂອງ​ການ​ສ້າງ "ໜຶ່ງ​ແລວ​ທາງ​ໜຶ່ງ​ເສັ້ນທາງ" ​ໄດ້ກ້າວ​ເຂົ້າ​ສູ່​ໄລຍະ​ປະຕິບັດ​ຕົວ​ຈິ​ງຢ່າງຮອບດ້ານ​ແລ້ວ ​ໂດຍທ່ານ​ເຊ້ຍ​ເຟິງ ​ເອກ​ອັກຄະ​ລັດຖະທູດ​ຈີນ​ປະຈຳ​ອິນ​ໂດ​ເນ​ເຊຍ, ທ່ານ​ເຕ​ເຕນ ມາສດູ​ກີ ​ເລຂາທິການ​ໃຫຍ່​ທຳນຽບປະທານາທິບໍດີ​ອິນ​ໂດ​ເນ​ເຊຍ ​ແລະ​ທ່ານ​ອື່ນໆ ​ໄດ້​ເຂົ້າ​ຮ່ວມ​ເປັນ​ສັກຂີ​ພິຍານ​​ໃນພິທີ​ລົງ​ນາມດັ່ງກ່າວ.

ຕາມ​ສັນຍາ, ​ໂຄງການລົດ​ໄຟ​ຄວາມ​​ໄວ​ສູງ​ຈາ​ກາ​ຕາ-ບັນລຸ​ງທີ່​ຈະ​ກໍ່ສ້າງ​ໄລຍະ​ທຳ​ອິດ​ນີ້ຍາວ 142 ກິ​ໂລ​ແມັດ ​ໂດຍ​ຈະ​ເຊື່ອມ​ຕໍ່​ນະຄອນຫຼວງ​ຈາ​ກາ​ຕາ​ກັບ​ບັນລຸ​ງ ທີ່​ເປັນ​ຕົວ​ເມືອງ​ໃຫຍ່​ອັນ​ດັບ 4 ຂອງ​ອິນ​ໂດ​ເນ​ເຊຍ, ຂະນະ​ທີ່ຄວາມ​ໄວ​ອອກ​ແບບ​ສູງ​ສຸດ​ 350 ກິ​ໂລ​ແມັດ​ຕໍ່​ຊົ່ວ​ໂມງ ​ແລະ​ຈະ​ໃຊ້​ເວລາ​ກໍ່ສ້າງ 3 ປີ ​ເຊິ່ງ​ເມື່ອ​ເຖິງ​ເວລານັ້ນ, ການເດີນທາງ​ຈາກ​ນະຄອນຫຼວງ​ຈາ​ກາ​ຕາ​ຫາ​ບັນລຸ​ງທີ່​ໃຊ້​ເວລາ​ກວ່າ 3 ຊົ່ວ​ໂມງ​ນັ້ນ​ຈະ​ຫຼຸດ​ລົງ​ເຫຼືອ​ພຽງ​ແຕ່ 40 ນາທີ​ເທົ່າ​ນັ້ນ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ