ລັດຖະບານເຢຍລະມັນໄດ້ຮັບຮອງຮ່າງກົດໝາຍສະບັບໜຶ່ງໃນວັນທີ 5 ເມສານີ້ ເພື່ອສະກັດກັ້ນເນື້ອໃນທີ່ລະເມີດກົດໝາຍໃນສື່ສັງຄົມອອນລາຍ ເຊັ່ນ ອາຄາດບາດໝາງ, ການຍຸຍົງສົ່ງເສີມ, ຂໍ້ມູນຂ່າວປອມ, ຢຽບຫຍາມ, ໃສ່ຮ້າຍປ້າຍສີ, ນາບຂູ່, ການກະທຳຜິດແບບກໍ່ການຮ້າຍ, ສິ່ງລາມົກກ່ຽວພັນເຖິງເດັກນ້ອຍ ແລະອື່ນໆ.
ຮ່າງກົດໝາຍດັ່ງກ່າວທີ່ສະເໜີໂດຍກະຊວງຍຸຕິທຳເຢຍລະມັນ ໄດ້ລະບຸວ່າ: ບໍລິສັດສື່ສັງຄົມອອນໄລຖ້າບໍ່ກຳຈັດ ຫຼື ປິດບັງເນື້ອໃນທີ່ລະເມີດກົດໝາຍຕາມກຳນົດເວລາ, ບໍລິສັດແລະ ຜູ້ຮັບຜິດຊອບຂອງບໍລິສັດລ້ວນແຕ່ຈະຖືກປັບໃໝຫຼາຍສຸດ 50 ລ້ານເອີໂຣ ແລະ 5 ລ້ານເອີໂຣ. ຂະນະທີ່ບໍລິສັດສື່ສັງຄົມອອນລາຍຕ້ອງກຳຈັດ ຫຼື ປິດບັງເນື້ອໃນທີ່ລະເມີດກົດໝາຍພາຍໃນເວລາ 24 ຊົ່ວໂມງ ຫຼັງໄດ້ຮັບລາຍງານ ແລະ ຖ້າວ່າມີຄວາມເຫັນຂັດກັນ ກໍຕ້ອງແກ້ໄຂບັນຫາພາຍໃນເວລາ 7 ວັນຫຼັງໄດ້ຮັບລາຍງານ ລວມທັງການກ່າຍ ແລະ ແບ່ງປັນ ເນື້ອໃນທີ່ລະເມີດກົດໝາຍ.