ສົມເດັດຈັກກຣີ ສິລິນທອນ ເຈົ້າຍິງລາຊະອານາຈັກໄທ ໄດ້ເດີນທາງຢ້ຽມຢາມ "ຕາສັງເກດທ້ອງຟ້າ"--ກ້ອງຊ່ອງໂທລະທັດຮູບບານມົນທີ່ມີເສັ້ນຜ່າສູນກາງ 500 ແມັດ ຫຼື FAST ຂອງສະຖານີດາລາສາດແຫ່ງຊາດ ສະຖາບັນວິທະຍາສາດຈີນ ທັງເປັນພິຍານໃນການເຊັນບົດບັນທຶກຄວາມເຂົ້າໃຈລະຫວ່າງສະຖານີດາລາສາດແຫ່ງຊາດຈີນ ແລະ ສະຖາບັນຄົ້ນຄວ້າດາລາສາດແຫ່ງຊາດໄທ.
ການເຊັນບົດບັນທຶກດັ່ງກ່າວເພື່ອເພີ່ມທະວີການຮ່ວມມືດ້ານວິຊາການໃນຫຼາຍຂົງເຂດລະຫວ່າງສອງຝ່າຍ ແລະຊຸກຍູ້ການຄົ້ນຄວ້າ, ຍົກລະດັບຜູ້ມີຄວາມຮູ້ຄວາມສາມາດໃນຂົງເຂດດາລາສາດ ແລະອື່ນໆ.
ໃນຖານະເປັນທູດມິດຕະພາບລະຫວ່າງໄທ-ຈີນ, ສົມເດັດສິລິນທອນ ຍັງໄດ້ເດີນທາງຢ້ຽມຢາມສະຖານີດາລາສາດແຂວງຢຸນນານ 2 ເທື່ອ ແລະສະໜັບສະໜູນການຮ່ວມມືດ້ານດາລາສາດລະຫວ່າງສອງປະເທດຢ່າງແຂງແຮງ. ຂະນະທີ່ເພື່ອສະເຫຼີມສະຫຼອງວັນພະຊົນມະພັນສາຂອງສົມເດັດສິລິນທອນຄົບຮອບ 60 ພັນສາ, ສະຖານີດາລາສາດແຂວງຢຸນນານ ແລະ ສະຖາບັນຄົ້ນຄວ້າດາລາສາດແຫ່ງຊາດໄທ ໄດ້ຮ່ວມກັນສ້າງກ້ອງຊ່ອງໂທລະທັດອັດຕະໂນມັດຂະໜາດ 70 ຊັງຕີແມັດຈີນ-ໄທ ຢູ່ຫໍດາລາສາດກາວເໝີຍກູ ເມືອງລີ້ຈ່ຽງ.
