ກະຊວງການຄ້າຈີນຖະແຫຼງໃນວັນທີ 6 ເມສານີ້ວ່າ, ຈີນແລະແຟງລັງໄດ້ສ້າງຕັ້ງຄະນະກຳມະການຮ່ວມມືວິສາຫະກິດປະດິດສ້າງໃໝ່, ຂະນະທີ່ທ່ານຊຸນຈີ້ເຫວີນ ໂຄສົກກະຊວງການຄ້າ ໄດ້ກ່າວໃນພິທີຖະແຫຼງຂ່າວໃນວັນດັ່ງກ່າວວ່າ: ຄະນະກຳມະການນີ້ຈະເປັນກົງຈັກການຮ່ວມມືການປະດິດສ້າງໃໝ່ລະຫວ່າງວິສາຫະກິດສອງປະເທດ.
ທ່ານຊຸນຈີ້ເຫວີນ ຍັງໃຫ້ຮູ້ຕື່ມວ່າ: ໃນໄລຍະທ່ານສີຈິ້ນຜິງ ປະທານປະເທດຈີນຢ້ຽມຢາມແຟງລັງ, ສອງປະເທດໄດ້ເຊັນສັນຍາການຄ້າ 8 ສະບັບ ເຊິ່ງກວມເອົາການເງິນ, ການຮັບເໝົາໂຄງການ, ພະລັງງານສະອາດ, ອາຫານ ແລະຂົງເຂດອື່ນໆ.
ແຟງລັງແມ່ນປະເທດຕາເວັນຕົກປະເທດທຳອິດທີ່ໄດ້ເຊັນສັນຍາການຄ້າລະຫວ່າງລັດຖະບານກັບຈີນ ແລະ ໃນຖານະເປັນປະເທດສະມາຊິກລິເລີ່ມສ້າງຕັ້ງທະນາຄານລົງທຶນພື້ນຖານໂຄງລ່າງອາຊີ, ແຟງລັງກໍຕັ້ງໜ້າສະໜັບສະໜູນ ແລະ ເຂົ້າຮ່ວມຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ". ແນວໃດກໍດີ, ເສດຖະກິດສອງປະເທດຕ່າງຊ່ວຍຊູຍູ້ໜູນກັນໃນລະດັບສູງ ແລະ ຈີນກໍເປັນຄູ່ຄ້າໃຫຍ່ອັນດັບໜຶ່ງຢູ່ອາຊີຂອງແຟງລັງເປັນເວລາ 13 ປີຢ່າງຕໍ່ເນື່ອງ.