ຫວ່າງມໍ່ໆມານີ້, ກອງປະຊຸມເວທີປຶກສາຫາລືການຮ່ວມມືຈີນ-ສິງກະໂປຄັ້ງທີ 3 ທີ່ສູນຫວງຈິ່ນຮຸ່ຍມະຫາວິທະຍາໄລການຄຸ້ມຄອງສິງກະໂປ(SMU) ແລະ ກຸ່ມບໍລິສັດຊື່ຣຸ້ຍຈຳກັດ ສປ ຈີນໄດ້ຮ່ວມກັນຈັດຂຶ້ນຢູ່ສິງກະໂປນັ້ນ,ຜູ້ທີ່ເຂົ້າຮ່ວມກອງປະຊຸມໄດ້ຮ່ວມກັນຄົ້ນຄວ້າຫາລືຫຼາຍດ້ານເຊັ່ນ: ທ່າອ່ຽງແຫ່ງການພັດທະນາຂອງປະເທດຢູ່ຕາມເສັ້ນທາງສາຍໄໝທາງທະເລສະຕະວັດທີ 21, ການສັບຊ້ອນນະໂຍບາຍດ້ານເສດຖະກິດ, ການລົງທຶນແລະການພັດທະນາວິສາຫະກິດໃນອະນາຄົດເປັນຕົ້ນ ເພື່ອເຮັດແນວໃດຈະໃຫ້ບັນລຸການພັດທະນາຮ່ວມກັນຂອງປະເທດຢູ່ຕາມເສັ້ນທາງສາຍໄໝທາງທະເລສະຕະວັດທີ 21.
ເວທີປຶກສາຫາລືຄັ້ງນີ້ໄດ້ຕີລາຄາການເສີມຂະຫຍາຍສາຍພົວພັນລະຫວ່າງຈີນ-ສິງກະໂປຢ່າງຕັ້ງໜ້າຕື່ມອີກ, ພ້ອມທັງຈະລົງເລິກການຮ່ວມມືຫາລືທ່າອ່ຽງການພັດທະນາສາຍພົວພັນລະຫວ່າງຈີນ-ສິງກະໂປ,ຈີນ-ອາຊີຕາເວັນອອກສຽງໃຕ້ ທັງຈະເຮັດໃຫ້ຜູ້ເຂົ້າຮ່ວມເຂົ້າໃຈຕໍ່ການບັນລຸການຮ່ວມກັນພັດທະນາຂອງປະເທດຢູ່ຕາມເສັ້ນທາງສາຍໄໝທາງທະເລສະຕະວັດທີ 21. ຂະນະດຽວກັນ, ເວທີປຶກສາຫາລືແລະຜູ້ເຂົ້າຮ່ວມກອງປະຊຸມ ຍັງໄດ້ສະເໜີໃຫ້ລົງເລິກການປະຕິບັດ "ໜຶ່ງແລວທາງໜຶ່ງເສັ້ນທາງ"ອີກດ້ວຍ.