ກົມທ່ອງທ່ຽວຫວຽດນາມເປີດເຜີຍໃນວັນທີ 5 ເມສານີ້ວ່າ, ນັກທ່ອງທ່ຽວແຜ່ນດິນໃຫຍ່ຈີນທີ່ໄປທ່ຽວປະເທດຕົນໃນເດືອນມີນາປີນີ້ມີເກືອບ 3 ແສນເທື່ອຄົນ ເຊິ່ງເພີ່ມຂຶ້ນຫຼາຍກວ່າໄລຍະດຽວກັນຂອງປີຜ່ານາມາ 39,2% ແລະຈີນໄດ້ເປັນແຫຼ່ງນັກທ່ອງທ່ຽວທີ່ໃຫຍ່ທີ່ສຸດສຳລັບຕະຫຼາດທ່ອງທ່ຽວ ຫຼາຍປີຕໍ່ເນື່ອງກັນ.
ເຈົ້າໜ້າທີ່ກົມທ່ອງທ່ຽວຫວຽດນາມເປີດເຜີຍວ່າ, ຫວຽດນາມໄດ້ເອົາໃຈໃສ່ຕໍ່ການຮ່ວມມືກັບຈີນໃນຂົງເຂດການທ່ອງທ່ຽວໃນໄລຍະຍາວ ແລະຍິນດີຕ້ອນຮັບນັກທ່ອງທ່ຽວຈີນໄປທ່ຽວປະເທດຕົນນັບມື້ຫຼາຍຂຶ້ນ ແລະຫວັງທາງການເພີ່ມທະວີການທ່ອງທ່ຽວລະຫວ່າງສອງປະເທດ ຈະເປັນການເພີ່ມທະວີການໄປາຫາສູ່ແລະຄວາມເຂົ້າໃຈກັນລະຫວ່າງປະຊາຊົນສອງຊາດ ເພື່ອປະກອບສ່ວນຢ່າງຕັ້ງໜ້າຕໍ່ການເສີມຂະຫຍາຍສາຍພົວພັນຫວຽດນາມ-ຈີນ.
ເດືອນມັງກອນປີນີ້, "ແຜນການຮ່ວມມືການທ່ອງທ່ຽວສົກປີ 2017 – 2019 ໄດ້ຮັບການລົງນາມລະຫວ່າງອົງການທ່ອງທ່ຽວແຫ່ງຊາດຈີນກັບກະຊວງວັດທະນະທຳ, ກິລາແລະທ່ອງທ່ຽວຫວຽດນາມ" ເພື່ອຕອບສະໜອງກຳລັງຊຸກດັນໃຫ້ແກ່ການຮ່ວມມດ້ານການທ່ອງທ່ຽວລະຫວ່າງສອງປະເທດໃຫ້ແຂງແຮງຂຶ້ນ.