ຕາມໜັງສືພິມເຢິນມິນຢື້ປ້າວຂອງຈີນ: ສື່ມວນຊົນໄທລາຍງານໃນວັນທີ 4 ເມສານີ້ວ່າ, ທ່ານນາງກອບການ ວັດທະນາລັງກຸນ ລັດຖະມົນຕີກະຊວງທ່ອງທ່ຽວແລະກິລາໄທເປີດເຜີຍວ່າ, ກະຊວງຕົນຈະວາງແຜນກະຕຸ້ນການພັດທະນາເສດຖະກິດດ້ວຍການທ່ອງທ່ຽວກິລາ ແລະວາງເປົ້າໝາຍໃຫຍ່ທີ່ຈະສ້າງໄທໃຫ້ເປັນສູນກິລາລະດັບໂລກໃນ 10 ປີຕໍ່ໜ້າ.
ທັງນີ້ແຕ່ລະປີຈະມີເກືອບ 1 ລ້ານຄົນເຂົ້າຮ່ວມກິດຈະກຳແລະແຂ່ງຂັນກິລາປະເພດຕ່າງໆຢູ່ໄທ, ໃນນັ້ນ ຄົນຕ່າງປະເທດກວມ 20%. ຖ້າເປົ້າໝາຍສ້າງໄທເປັນສູນກິລາລະດັບໂລກສຳເລັດ, ເຊື່ອວ່າຈະເຮັດໃຫ້ຄົນຕ່າງປະເທດທີ່ໄປເຂົ້າຮ່ວມກິດຈະກຳແລະການແຂ່ງຂັນກິລາຢູ່ໄທຈະເພີ່ມຂຶ້ນຢ່າງໜ້ອຍ 30%, ຂະນະດຽວກັນ ລາຍຈ່າຍການທ່ອງທ່ຽວກິລາກໍຈະເພີ່ມຂຶ້ນ 10-20%.