ທະນາຄານພັດທະນາອາຊີ ຫຼື ADB ໄດ້ເຜີຍແຜ່ບົດລາຍງານ "ແລມອງການພັດທະນາຂອງອາຊີປີ 2017" ໂດຍຄາດຄະເນວ່າ, ປີນີ້ແລະປີໜ້າ GDP ເຂດອາຊີປາຊີຟິກຈະເຕີບໂຕ 5,7% ເຊິ່ງໄດ້ປັບລົງເລັກໜ້ອຍເມື່ອທຽບໃສ່ປີ 2016 ທີ່ເຕີບໂຕ 5,8%.
ບົດລາຍງານລະບຸວ່າ: ຈາກບົດບາດຊຸກຍູ້ຄວາມຕ້ອງການພາຍນອກເພີ່ມຂຶ້ນ, ລາຄາສິນຄ້າລາຍໃຫຍ່ໃນຕະຫຼາດໂລກສູງຂຶ້ນ ແລະ ການປະຕິຮູບພາຍໃນປະເທດ, ເສດຖະກິດຂອງປະເທດໃນອາຊີ 2/3 ຈະເຕີບໂຕໄວຂຶ້ນ ແລະສືບຕໍ່ເປັນເຂດໃຫຍ່ທີ່ສຸດທີ່ປະກອບສ່ວນ ຕໍ່ເສດຖະກິດໂລກ.