ໂຄງການຂະຫຍາຍຕາໜ່າງໄຟຟ້າພາກກາງເຂດຕິເບດ ເຊິ່ງເປັນສ່ວນໜຶ່ງຂອງຕາໜ່າງໄຟຟ້າເຂດດັ່ງກ່າວດ້ວຍການລົງທຶນ 16 ຕື້ 200 ລ້ານຢວນນັ້ນ ໄດ້ເລີ່ມລົງມືປະຕິບັດແລ້ວໃນວັນທີ 6 ເມສານີ້ ແລະນີ້ແມ່ນໂຄງການສາຍສົ່ງໄຟຟ້າຢູ່ເຂດພູພຽງທີ່ລະດັບໜ້ານ້ຳທະເລສູງສຸດ ແລະ ລະດັບໜ້ານ້ຳທະເລກໍແຕກໂຕນກັນຫຼາຍທີ່ສຸດໃນໂລກ ໂດຍຈະເຊື່ອມຕໍ່ໂຄງການຕາໜ່າງ ໄຟຟ້າເຂດຕິເບດ-ແຂວງຊິ່ງໄຫ ແລະ ໂຄງການຕາໜ່າງໄຟຟ້າແຂວງເສສວນ-ເຂດຕິເບດຕໍ່ເຂົ້າກັນ ແລະຫຼັງສຳເລັດການກໍ່ສ້າງ ກໍຈະສາມາດຕອບສະໜອງພະລັງງານໄຟຟ້າຕາມຄວາມຕ້ອງການຢູ່ພາກກາງເຂດຕິເບດ.
ໂຄງການດັ່ງກ່າວຕັ້ງຢູ່ພາກກາງ ແລະ ພາກຕາເວັນອອກເຂດພູພຽງຊິ່ງໄຫ-ຕິເບດ ລະດັບໜ້ານ້ຳທະເລສະເລ່ຍຕາມເຂດດຳເນີນໂຄງການສູງກວ່າ 4.000 ແມັດ. ເມື່ອສຳເລັດການກໍ່ສ້າງແລ້ວ ຈະເປັນຕາໜ່າງສາຍສົ່ງໄຟຟ້າ 500 ກິໂລໂວນ ແລະ ເປັນສະຖານີຈ່າຍໄຟຟ້າ 500 ກິໂລໂວນ ທີ່ລະດັບໜ້ານ້ຳທະເລສູງສຸດໃນໂລກ.